Serie C1 Stason 91/92: a voi la Spal dla B - Ferrara - Dialetto Ferrarese

A voi la Spal dla prumuzion in B
quand su la fasa destra vulava Messersì
a voi la Spal ad quand gavea sedgian
aparecc in boca gnianc na figa par il man
dem cla Spal cla copa la classifica
20000 al stadi, Frara: tiè magnifica!
Torchia in porta cas buta acmen felin
Lancini e Paramatti: par mi a si sempar sta ad più che du terzin
Servidei stopper e Mangoni libar contra l pericul cal strisa
fè zigar la punta, che da chi as pasa brisa.
Al zentar camp Brescia gran sgnor dla me Spal capitan
Butaz più avanti, piè bun, pasag vertical e balun ficant
Mezzini al panteon là davanti a butarla dentar
scat cumpagna n nono co la zaneta, mo esarg al ghiera, sempar!
E po Labardi ala sinistra trutulina darzent
a destra vola Messersì, cori, a govoia daria e bei temp!
A voi la Spal dla prumuzion in B
president Donigaglia in panchina Gibì:
cazla tuta ti, president, la grana, spara Frara la su
chi sin frega ad tangent, Coop rosi, Costruttori a culinsu
A voi la Spal ad Giorgio Zamuner, la me bandiera, dla pasara capocannonier
un calz in tal cul a Kaka o a chi altar chi sastien.
Anden in B con ategiament dumiltà e pudor
mo, Giorgio, mi tgnoss: a tiè un bel guzador!
A voi andar incora in trasferta par ciapar na sassaiola contra la Triestina
mo ti, tira su na gona, Giorgio, in tal mentar fat na svaltina.
Fen al salt ad categoria, squadra e zità
20000 al Mazza chi canta e salta, 20000 ultrà!
Speaker, tiet indurmanzà davanti a la television?
Verzi la gabia, chi cora in camp i nostar ondas leon;
ca salza laucat in tribuna, lè pront in ovest lultrà carag acmen canon
e anc al vecch cal bastemia e scatara in gradinata, speaker, das la furmazion:
Signore e Signori, vint mila dal Mazza, questa la formazione della Spal:
1) Torchia
2) Lancini
3) Paramatti
4) Zamuner
5) Servirei
6) Mangoni
7) Messersì
8 ) Brescia
9) Mezzani
10) Bottazzi
11) Labardi
A voi la Spal dla prumuzion in B
Giorgio, fam stal piaser, guzin una anc par mi!
Esageren con tut, campen ad ciora il nostar pusibilità
sparen al raz, cambien a Frara i connotà
As va drit in B, in bisaca la cumpetizion
clacson, sciarp, ural par sta prumuzion:
fen un trenino ad vint mila person, tuta la citadinanza in fila indiana luntiera
Zamuner, metat ti par prim, gliela la bandiera!

Bek

Category:

Entertainment

Tags:

• spal
• ferrara
• dialetto
• ferrarese
• serie
• calcio
• torchia
• lancini
• paramatti
• servidei
• mangoni
• brescia
• bottazzi
• labardi
• mezzini
• donigaglia
• coop
• rosse
• copcostruttori
• mazza
• curva
• ovest
• fabbri
• ultras

[peterarnett]

io c'ero!!!!!