Herra Kolbert

eftir David Gieselmann.

Sýning sem hlotið hefur frábæra dóma. Tryggðu þér miða núna!

"glæsilega unnið sviðsverk með skínandi beittan brodd...Frábær skemmtun - alvöru hrollur. Flott verk, flottur leikur, flott sýning." - "frábærlega vel unnin....Drepfyndið... Leikfélag Akureyrar hefur hitt í mark og eignast fyndna og hæfilega ögrandi sýningu sem gaman er að spjalla um í góðra vina hópi að henni lokinni." - "enn ein skrautfjöðurin í hatt Leikfélags Akureyrar" - "fjögurra grímna hressandi helvíti... Það er magnað að vita til þess að hér norður við heimskautsbaug sé okkur boðið uppá frábæra leiksýningu í heimsklassa... Herra Kolbert er sýning sem ég ætla að sjá aftur." - "gríðarlega áhrifamikil sýning"
Drepum hann og förum svo í göngutúr.

Spennuverk með húmor sem kemur á óvart!
Hver er herra Kolbert? Hver er með númer 26, sleppa chillíinu? Er Herra Kolbert í kistlinum á stofugólfinu? Steindauður? Hver var með hvítlauks bolognese með eggi? Ef Herra Kolbert er dauður hver drap hann þá? Og hvernig kemur pizzusendillinn inn í þetta allt saman? Venjulegt matarboð hjá venjulegu fólki tekur óvænta stefnu og þegar kvöldið er liðið er allt breytt.

Herra Kolbert er verk sem hefur farið víða frá því það var frumsýnt við frábærar viðtökur í Royal Court leikhúsinu í London árið 2000. Framsæknustu leikhús Evrópu hafa sett verkið upp og hlotið lof gagnrýnenda og áhorfenda fyrir. Herra Kolbert hefur ekki látið staðar numið þar heldur lagt undir sig Ástralíu og Ameríku. Leikritið sameinar spennu og átök Hitchcocks, undarlegheit Pinters, fáránleika Ionescos og ómótstæðilegan húmor.

Category:

Entertainment

Tags:

• David
• Gieselmann
• LA
• leikfélag
• Akureyrar
• Herra
• Kolbert
• Krumptv