يوم فى بيت ربنا

قَدِّمُوا لِلرَّبِّ مَجْدَ اسْمِهِ. اسْجُدُوا لِلرَّبِّ فِي زِينَةٍ مُقَدَّسَةٍ. مز 29 : 2
+++
يوم في بيت ربنا
+++
بيت ربنا
...كنيستنا
بيتنا و حياتنا كلنا
+++
ليك يا رب كل مجد في علو سماك
ليك يا رب كل مجد فى بيتك و كنيستك و مبناك
+++
كفاية
إن اسمك دعي على بيتك
كفاية
إننا فيه بنتمتع قوي بوجودك
+++
لازم
يليق كل المجد ببيتك
لازم
يكون دايماً فى زينة مقدسة
+++
عايزين
نشترك فى مجدك
عايزين
نشترك فى زينة بيتك
+++
نتجمع سوا
من بدري و نحضر القداس بروح واحدة
نفطر مع بعض أحلى فطار أساسه المحبة و الوحدة
نشمر إيدينا و
نبدأ الشغل
+++
عايزين
...
نرتب و ننظف هياكل الكنيسة
نلمع الشورية و نرتب المنجليات
ننظف الموكيت و نلمع الأرضيات
نرتب اللفافات و يا ريت نكوي التونيات
...
صحن الكنيسة عايز ترتيب
الدكك تكون مضبوطة فى مكانها تمام
الحيطان زي الفل و الصور تلمع كمان
الأرضيات و اللمبات و النجف و لا في الأحلام
...
البلكونة عاوزة توضيب كتير
دي حته من بيته و لازم تليق بمجده الكبير
...
أوضة المعمودية
مكان ولادتنا الجديدة
ماينفعش يكون متبهدل
لازم يكون جميل و كل ركن فيه له معنى أصيل
...
مبنى الخدمات
كل حتة فيه دي بتاعتنا
خدمتنا و كتير من إجتماعاتنا
نرتب و ننظم
نشيل و نحط و نوضب
ندهن الحيطان و نكنس الأرضيات
ننضف سطح الكنيسة و نشيل كل المهملات
+++
بجد دي فرصة لينا
نعمل حاجة بإيدينا
نأخد بركة و نعمة و خدمة
نفرح فرحة متساويهاش أي فرحة
+++
مش عاويزين ندعي حد ييجي
عايزين كل واحد ييجي من نفسه
ييجي بحب و رغبة فى الخدمة
ييجي بشوق للتعب و المشاركة فى النعمة
+++
البركة مستنياك
أرجوك
أوعى تطنش و ما تهملهاش
+++
الجمعة 18/3/2011
كنيسة الشهيد العظيم مارجرجس بالمطرية

Category:

People & Blogs

Tags:

• CHRISTIANITY