AP 30-07-2011

Miomana ny kaominina Antehiroka fa tsy maintsy mody ny Filoha RAVALOMANANA Marc. Ataonay izay hahalany azy amin'ny fifidianana Filoham-pirenena ato ho ato. Fihodinana tokana ihany no atao hoy ny Ben'ny Tanana RANDRIANARISON Patricia Andriantavison raha niresaka tamin'ny mpanao gazety izy nandritra ny fanetsiketsahana nataon'ny TIM Antehiroka. Mitsinjo ny sosialim-bahoaka ny Ben'ny Tanana. Miasa mangina ny tenany ka "aoka ny vahoaka no hitsara" raha ny amin'ireo zava-bita maro. Hisokatra ny BIF na ny Birao Ifoton'ny Fananan-tany eo anivon'ny Kaominina.
Nisy ny fandraisana fitenenana nataon'ny solotenan'ny Tim Foibe izay notarihan'ny depiote isany Jules ANDRIAMAHOLISON sy Rodin RAKOTOMANJATO. Mila hamafisina ny refitra ifotony hoy izy ireo. Efa natao ny famenoana ny Birao Nasionaly eo ampiandrasana ny fahatongavan'ny Filoha RAVALOMANANA an-tanindrazana.

MTM : Asa sosialy.
Anosiala, Kianjan'ny Barcelonne, no nanaovan'ny Fikambanana Mamiko ny Taniko Madagasikara (MTM) hetsika ara-tsosialy hanampiana ireo mpampianatra FRAM amin'ny ZAP Anosiala sy ny FKT Anosiarivo. Tonga nanatitra ny fanampiana sora-bola mitentina Ar 1 000 000 Ar avy ny Filohamboninahitry ny Fikambanana Rtoa RASOAMAROMAKA sy Atoa Henri RAKOTOMALALA. Nisy ny lalaom-pirahalahiana baolina kitra nokarakarain'ireo tanoran'ny Fikambanana.

Category:

News & Politics

Tags:

• Tiana
• Maharavo
• Lolot
• Ratsimba