Berso sa Kalsada, Tula ng Paglaya Grand Winner Students' Category

Beinte Singko: Festival of Memories, Creation of New Stories
Berso Sa Kalsada Tula ng Paglaya Grand Winner Students Category

"Tula Para sa Tunay na Demokrasya" by Christopher Rivera, Marikina Polytechnic College

Naghuhumiyaw ang aking kalooban
Hinaing ng aming bayan
Sana'y mapakinggan ng pamahalaan
At malapatan ng solusyong pangmatagalan

Iba't-ibang paraan ang aking isinagawa
Mula sa sining at literatura
Hanggang sa martsa patungong Mendiola
Na kung tawagin ay "parliyamentaryo sa kalsada"

Sama-samang naninindigan para sa aming karapatan
Na para kaming isang alon na humahampas sa dalampasigan
Ito ang aming sandata
Tungo sa pambansang demokratikong pakikibaka

Ngunit sa kabila ng aming pakikibaka
Sinisikil kami ng estadong pasista
Sa pamamagitan ng paggamit ng militar, pulisya
Upang ipakulong ang mga aktibista

Mula pa kay Macoy hanggang kay Noynoy
Walang tunay na demokrasya para sa mga Pinoy
Patuloy sa pag-atake at panunupil
Kaya karapatan nati'y nasisikil

Isang paalala sa kasalukuyang rehimen
Ang pakikibaka para sa kapakanan ng mamamayan ay hindi krimen
Ito ay karapatang nakasaad sa Konstitusyon
Dahil hangad nami'y pagbabago para sa nasyon

Alay naming ang tulang ito
Para sa mga progresibong nasadlak sa kalaboso
Dahil sa tunay na demokrasya
Wala dapat makulong dahil sa pampulitikal na paniniwala

Category:

Travel & Events

Tags:

• Berso sa Kalsada
• Tula ng Paglaya Grand Winner Students' Categor

[oirster]

ang lupet!!! astig.. sapat lang na manalo yan...