OS PETOS DE ÁNIMAS

Os petos de ánimas atópanse en camiños e encrucilladas de toda Galicia, e son unha das manifestacións materiais do culto ós mortos, da devoción polas ánimas.

Galicia é un pobo profundamente relixioso, sentimento herdado dos seus antepasados e afincado en tradicións de santos repartidos por toda a nosa terra. É xeral a crenza en milagres, pequenos e grandes, e para todo se pide o favor do Ceo.




O Significado

A crenza da continuidade da alma despois da morte e da existencia dun paso intermedio para chegar ó ceo, onde se redimen os pecados e faltas cometidas en vida, está moi arraigado na mentalidade popular galega.

Dentro das construccións populares, os petos de ánimas son os que evidencian a importancia do purgatorio . A finalidade destes elementos populares é que os vivos poidan ofrecer esmolas para a salvación das almas en pena que non encontran descanso no purgatorio, e así alcancen a felicidade no ceo. Unha vez liberadas, intercederán por quen fixo a ofrenda. Por tanto, trátase de procurar a salvación dos mortos pero tamén de asegurarse a propia.

Moitos deles foron construídos pola devoción dun fregués ou polos veciños dun lugar.

Son moi curiosas as advertencias que se fan no seu nome. Por exemplo, no de Famelga de Cotobade lese textualmente: "Un alma tienes y no más, si la pierdes que harás...". Tamén se invita a recordar os nosos antepasados: "Ave María Purísima. Acordaos de las ánimas de vuestros padres o abuelos o tíos o parientes o amigos". E, noutra parte do oratorio, apréciase esta inscrición: "Rogad por nos - Señor y socorrednos con vuestros sufragios que nos pidiremos por vos.

A súa orixe

As almas do purgatorio son a meirande devoción galega despois de Cristo e da Nai; e, anque o culto teña a súa raigame no cerne mesmo do espírito galego, as mostras que se conservan son serodias.

A idea do purgatorio, aumentada e revitalizada a partir do Concilio de Trento (século XVI), fixo que se desenvolvese a práctica da construcción destes monumentos populares cunha determinada iconografía. Pero segundo parece, en Galicia é no século XVIII cando se fan a maior parte destes monumentos dedicados ás ánimas; e os máis antigos conservados corresponden ó século XVII.

Localización e dimensión

As encrucilladas aínda inspiran temor ós naturais do país, e a súa causa está en que pervive nas crenzas actuais consideralas como lugar que fora destinado ó enterramento, especialmente dos apartados da comunidade cristiá, de aí a crenza de que polas mesmas vaguen durante a noite as almas dos condenados.

Tanto a súa dimensión como iconografía son variadas, polo que é difícil establecer unha morfoloxía xeral, aínda que si se pode indicar que o corpo central do peto está composto por unha cavidade na que normalmente se representa ás ánimas no purgatorio, en relevo, pintura..., e un peto ou hucha para botar as esmolas. Estes elementos veñen a maioría das veces acompañados doutros secundarios: cornixas, pilastras, portiña de ferro.

Category:

People & Blogs

Tags:

• FASGANA
• PETOS
• DE
• ANIMAS
• LOURIZAN
• GALICIA
• CORUÑA
• LUGO
• ORENSE
• PONTEVEDRA
• XOAN
• ARCO
• DA
• VELLA

[hiltonlmt]

sou devoto de lass animas! viva las animitas!muy grandiossas amigas e irmanas.

[papigil]

¡Oh meu deus!. Sempre botei en falta un traballo sobre os petos de ánimas. Agradézocho moito, XOAN.

¡Un gran saúdo, amigo!.

[anavvilas]

Una maravilla de vídeo. El arte, religión, tradiciones y leyendas van muy unidos y se entrelazan debido a la idiosincrasia de la gente. Por todo esto es por lo que Nuestra tierra esta repleta de hermosas cosas, como por ejemplo esto bello Petos de Animas.

Gracias por la información que nos das en todos tus videos, cada día sabemos un poco más de Galicia miña terra. Felicidades realmente tu eres nuestro Duende, que nos muestras cosas hermosas a través de tu cámara.

Bicos e unha aperta, Ana