Teej Celebration 2009 in Israel Part 1

अर्जुन जयसवाल -इजरायलमा महिला कामदारहरुको संख्या निकै रहेको कारनले पनि होला यहा अन्य पर्वहरु भन्दा बढ़ी हरितालिका तीजकोलागी वर्त बसनेहरुको सख्या पनि धेरै हुन्छ | विवाहित नारीहरु अफना श्रीमानको सुस्वास्थ्य र सुखद दाम्पत्य जीवनको लागी र अविवाहित कन्याहरु असल र सुयोग्य वरका निम्ति यो व्रत बसने धारणा जन साधारणमा रहेको पाइन्छ | इजरायलको तेलअवीवको बसपार्क नजिकै रहेको पार्क सधै झै यस पाली पनि तीजमा नेपालीहरुले भरिएको थियो | प्राय रातो साडीमै साजिए पनि रंग बिरंगका साडी र कुर्ता सुरवालको पहिरनमा, मादलको धिन्तांग धिन्तांगको आवाजमा गीत गाउने र नाचने वातावरणले कता कता तीजमा पशुपति वरीपरीको संझना दिलाऊथ्यो |

सोही अवसरमा नेपाली कृषि कामदार सहयोगी समितिले पनि जमर्को गरेर यस पाली दरभोजको आयोजना गरेको थियो | नेपाली कृषि कामदार सहयोगी समितिका अध्यक्ष खोजराज कटुवालको अनुसार कृषिमै कार्यरत नेपाली दाजूभाईहरुले उत्पादन गरेका तरकारी, फलफूल र गाई फार्ममा काम गर्नेले दूध आदि बाट दरभोजको लागी कृषिका दाजूभाईहरुले नै पकाएर, इजरायलमा कार्यरत लगभग १७०० दीदी बहिनीहरुलाई दरभोज खुवाए | श्रम मंत्री मोअम्मद आफताब आलमले खीर, अचार, तरकारी पसकेर दरभोजको उद्घाटन गर्नु भएको थियो |

इजरायलमा नेपाली कामदार आउन बन्द भएको र बिशेष गरी कृषिमा नेपाली कामदारहरुको संख्या न्यून रहेको र त्यों पनि अब समयअबधी सकिएर नेपाल फर्कने क्रममा रहेकाले केही महिना पश्चात इजरायलमा मात्र नेपाली कामदारको नाममा सुसारेमा कार्यरत कामदारहरु मात्र बांकी रहनेछन | श्रम मंत्रीको इजरायलमा आगमनले सबैमा अब नेपाल खुल्ने आशा पलायेता पनि कहिले खुलने र नेपालीहरुको फसेको पैसाको कामदारहरु इजरायल काम गर्न आएर आफ्नो ऋण कहिले तिर्ने भन्ने कुराको ठोकुवा न त श्रम मंत्रालय , प्रराष्ट्रमंत्रालय वा इजरायल स्थित नेपाली दुताबसले नै गर्न सकेको छ |

गैर आवासीय नेपाली संघ, राष्ट्रिय समन्वय परिषद्, इजरायलको पहिलो वार्षिक साधारण सभामा श्रम मंत्री मोहम्मद आफताब आलमले फर्केका कृषि कामदारहरुका निम्ति उनिहरुको शिप र ज्ञान अनुसार कृषि क्षेत्रमा केही गर्ने अस्वाशन दिएता पनि नेपाल सरकारले यसलाई कतिको महत्व दिन्छ त्यों त समयले बताउनेकुराहो|

Category:

News & Politics

Tags:

• Teej
• Celebration
• 2009
• in
• Israel
• Part