إرفض المسرحية: موعدنا في الميادين يوم 16 يونيو...

الانتخابات في ايد لجنة الانتخابات الرئاسية اللي هي تحت سلطة المجلس العسكري اللي اساسا شرعيته معتمدة على حاجتين؛ مبارك اللي المفروض كلفهم بإدارة شئون البلاد و هو اصلا مخلوع - و الاستفتاء اللي كلنا عارفين مكانش له اي علاقة بشرعية المجلس العسكري.

يعني الانتخابات اساسا مالهاش اي شرعية --غير لو انت بنفسك اديتها شرعية.

و لما تلاقي نفس المدرعات اللي دهستك في ماسبيرو واقفة في الشارع بتحاول تقنعك انك لازم تروح تنتخب - اكيد بتلاقي نفسك حاسس بحاجة غريبة و كل شوية بتتاكد منها اكتر و اكتر - و هي ان - الانتخابات فخ.

لما ديكتاتورية عسكرية تعمل انتخابات تأكد ان غرضها الوحيد هو انها تستخدمك علشان تدي شرعية للنتيجة اللي هي عايزاها و المرشح اللي هما عايزينه - علشان لما يبعتوا مدرعة تنزل تدهسك المرة الجاية - لما يقولوا عليك بلطجي رغم انك طالب او دكتور او شيخ او راجل غلبان عايز ولادك يعيشوا في احسن بلد - تكون انت بنفسك اللي أديتلهم شرعية و يكون صوتك اشترك في جريمة قتلك.

في كتير مننا قاطعوا اول جولة - نسبة الناخبين اللي راحت انتخابات مجلس الشعب كانت ٦٢٪ - و نسبة الناس اللي راحوا اول جولة في المسرحية الرئاسية يدوب ٤٦٪ - يعني ١٦٪ من الله شاركوا سياسيا من كام شهر فقدوا الثقة في الانتخابات و قرروا فعلا يقاطعوها. يعني في اكتر من 7 مليون مصري قاطعوا الإنتخابات.

و الباقي راح علشان بيحاول، رغم كل الياس - انه يصدق ان في ديموقراطية -- لكن العسكر و الإخوان لعبوا لعبتهم. كل واحد بطريقته...

و في الاخر حطونا إحنا في الكمين و حسسونا انه مافيش قدامنا غير اننا نقبل بحكم طرف من الاثنين - يا الاخوان، يا العسكر.

و نكون إحنا كده - كلنا وقعنا في الفخ.

بس في اختيار ثالث - و هو اننا نرفض - نرفض الاختيارات اللي عاوزين يملوها علينا و نخلق اختيارات جديدة.

اول سبب للمقاطعة هو نزع الشرعية من المسرحية اللي كلنا عارفين حقيقتها - ان لسه مافيش ديموقراطية - اننا خرجنا في الشارع و غامرنا و ضحينا بأغلى ما نملك علشان الثورة و في الاخر قرروا هما انهم يحولوها لانقلاب عسكري رغم ووعدهم المتكررة ان الثورة شرعية و ان مطالبنا شرعية.

لازم نقولهم، و نقول للعالم كله ان الشعب هو اللي عمل الثورة و هو صاحب الثورة.

و علشان كده إحنا مش هنروح الانتخابات و لما يجي يوم الإعادة - هننزل الميادين - علشان ثورتنا اتولدت في الشارع و هما بيحاولوا يقتلونا في الصناديق.

السبب التاني اننا نقاطع هو اننا عارفين ان في بدائل - في مبادرات كتير، تكوين حكومة إنقاذ وطني، تكوين مجلس رئاسي من المرشحين غير العسكريين، البداية في كتابة دستور شعبي، حلول كتيرة هدفها انها تجمعنا مش تفرقنا! حلول تسمحلنا اننا فعلا نبتدئ نبني مصر من جديد، نبتدئ نعمل اللي كان المفروض نعمله من سنة و نص - لما غلطنا و وثقنا في المجلس العسكري و ضحكوا علينا بتعظيم سلام و قالولنا ان الجيش ملك الشعب. قبل ما يسحلونا و يضربونا و يعتقلونا و يعملوا انقلاب على الشعب اللي منغيره مكانش هيبقى في ولا بلد ولا جيش ولا كرسي.

هما عايزين يشتتونا - مسلم ضد مسيحي، رأسمالي ضد إشتراكي - الغني ضد الفقير - كلها لعب رخيصة - و كأن لازم حد فينا يكسب و لازم التانيين كلهم يخسروا - عاوزين يستغلوا مخاوفنا و يخوفونا من بعض - لكن مصر اكبر من كده و إحنا كشعب - اعظم من كده بكتير -

نحن مقاطعون.

• Category

  News & Politics

[Ibrahim Abuallail]

Why place your trust in elections run by SCAF? Why would you trust them on free and fair elections? Real question is: Would have they allowed a revolutionary president, knowing they'll be put in jail for their crimes if that happens?

This is the election Theatre. The president is elected. Elected by SCAF, not you.

Do not grant them legitimacy. BOYCOTT.

الثورة في الميدان

[samir yamaha]

إصحوا يا عاااااااااااااااالم ...هتفوقوا إمته ....

[mohamed zaki]

خلاص انتا هتعيط علشان الناس تصعب عليك

[mohamed zaki]

يبقى العيب مش الى انتخبوا العيب فى المرشحين نفسهم الى بيجروا على السلطه من الاخر اقولك نعم لشفيق

[mohamed zaki]

والشعب الى انتخب ده كله كان موافق على الانتخابات تيجى انتا تقولى شرعه ماما حلوه

[mohamed zaki]

سؤال للى عامل الفيدو لما انتا بتتكلم على المقاطعه انتخبت ليه من الاول وليه صوت فى الاستفتاء ومجلس الشعب ولا هو علشان المرشح بتاعك خسر على كده صباحى وابو الفتوح وغيرهم دخلوا الانتخابات ليه

[Tarek Morsi]

I think that is wrong OPINION if you didn't Shafiq will be the next president and you will give them the legality

[Mohamed Ali]

المقاطعة مجرد تفكير ساذج وسلبي لانك بكدا بتسمح لمرشح الفلول بزيادة نسبة فرصته في الفوز بالانتخابات لان انت لو منتخبتوش اكيد غيرك هيروح وينتخبة وساعتها الميدان مش هينفعك ودا اللي هما عايزينوا.

لا للمقاطعة!!!

[Usama Ham]

لا انتخب انت بس متجيش تعيط ونتزل ثورة وتقول شفيق خد البلد وساعتها متقدرشي تتكلم لانك رضيت ان الاعاده تحصل وانت عارف انها تزورت من الجوله الاولى وهتتزور تاني..

[maitycon]

قاطع كما تود فهذه حريتك......................ولك­ن عندما يتم اتخاذ قرار بعد ذلك فلا تعترض.....لأنك لم تشارك في الإختيار فأنت لست جزء من العملية السياسية فليس من حقك الإعتراض.........فأنت مشاهد سلبي

[maitycom]

If all people of the thawra would have gone to vote in the first round, Shafik would not be in the run-off. Do not make the same mistake again.

Boycotting does not change anything. Only voting does. Please think again.