Atxiloketak Sestaon

Bart gauean polizia espainiarrak eta guardia zibilak Marlaska epailearen aginduak jarraituz burututako euskal gazteriaren kontrako makrosarekadak erantzun tinkoa izan du Sestaoko karriketan. Ezkerralde osoko ehunka lagunek kalera atera dira Euskal Herrian zehar atxilotutako 36 gazteen askatasuna aldarrikatzeko asmoz. Sestaotarrak diren Nahaia, Mikel eta Idoya gazteak daude atxilotutakoen artean, horregatik hain zuzen ere, atzo atsaldean bertako erdiguneko kaleek askatasunaren aldeko eta errepresioaren kontrako aldarriez gainezka egin zuten. Manifestazio jendetsua burutu ostean, poliziak etxeetatik eramandako gazteekiko kezka handia adierazi zuen Ezker abertzaleko kide batek, izan ere 5 egunez inkomunikatuak izango baitituzte polizia espainiarrak. Kide berak gogora ekarri nahi izan du, estatuaren eraso bortitz hau, Ezker abertzaleak, Euskal Herria eskenatoki demokratiko batera eramateko proposamen zehatza plazaratu duenean datorrela. Horrelaxe baldintzatu nahian omen dabiltza independentisten ildo politikoa. Mobilizazioarako deia luzatu dute gogora ekarriz bihar eta etzi manifestazioak burutuko direla Sestaoko Kasko plazatik atsaldeko 20.00etan.

Category:

News & Politics

Tags:

• atxiloketak
• euskal gazteria
• segi
• gazte independentistak
• sestao
• ezkerraldea
• errepresioa
• manifestazioa