Itaas [Pantas]

Title: Itaas
Performed by: Poldong Pantas
Lyrics by: Poldong Pantas, Imogen, & PrnczD
Beat: Thugz Mansion (Acoustic) by Nas & Tupac
--------------------------------------------------------------------------------­-------------------------
Pag nagkita kita tayo sa taas,
iwagayway mo ang, iyong kamay at ako'y lalabas,
Sasalubungin ka ng yakap at halik,
wag kang pumiglas, pagkat sa'yo ako ay nananabik.

Lugar na kung saan walang away o gulo,
Lahat ay masaya, at bawat isa'y panalo.
Kung dito sating mundo hindi kita kilala
Asahan mong pag naandun na, ika'y aking kasama.

Lakbayin natin ang bawat tulay, kapit kamay,
Bagtasin mga daang may matitingkad na kulay,
Mga palaisdaan na may mga sari-saring isda,
Kahit san man tumingin, ika'y mapapamangha.

Mga anghel lumilipad may hawak na trumpeta,
Tumutugtog, kumakanta, sumasayaw sa twina.
Sumasabay sa tono ang mga humuhuning ibon,
Lahat ng hayop ay maamo, kahit mabangis na leon.

Mga puno'y naglalakihan, maaari mong silungan,
Mabango ang simo'y ng hangin dama sa'yong kanlungan.
Bawat patak ng ulan, tumutubo'y bulaklak,
At pagdaan mo sa hardin amoy mo'ng halimuyak.


Chorus: (2x)
Pag nagkita kita tayo sa taas,
iwagayway mo ang, iyong kamay at ako'y lalabas,
Sasalubungin ka ng yakap at halik,
wag kang pumiglas, pagkat sa'yo ako ay nananabik.


Dagat ay nagmimistulang, isang salamin..
Ng mapuputi na ulap sumasabay sa ihip ng hangin..
Mga ngiti at tinig ng mga munting querubin..
Tawa'y dinig habang mga paa'y naglalaro sa buhangin..

At sa gabi ay kaysarap, na pagmasdan
Buong paligid sa tahimik nitong kamalayan
Humiga, at pagsawain mo, ang paningin
Sa langit na punong-puno, ng mga bituin..

Lugar na di tanaw mula, lupang ibabaw,
Imahinasyon gumagalaw, sa pintong nakakasilaw.
Kumikinang sa ganda, bawat isa ay sabik,
Kasiyahan sa kaharian, ito ay makakamit.

Musikang nakakagaan, ng pakiramdam
Tamang-tama sa pandinig, ng kahit sinuman.
Limutin ang bawat oras sa lupang kinalakihan
Pagkat sa kabilang buhay, may espasyong nakaabang


Chorus: (2x)
Pag nagkita kita tayo sa taas,
iwagayway mo ang, iyong kamay at ako'y lalabas,
Sasalubungin ka ng yakap at halik,
wag kang pumiglas, pagkat sa'yo ako ay nananabik.


Wag kang malulungkot kung wala na ako,
Andito lang naman ako't nagmamasid sa inyo.
Habang pinagmamasdan kayo sa paggawa ng tula,
Wag kang mabibigla kung papel basa ng luha.

Mula sa, mga mata ng makatang anghel,
Paghanga ko sa inyo, lagpas sa tore ni Babel.
Hindi masukat na respeto, eto ang metro,
Ilatag mo't lagpas pa rin duon sa kanto.

Ng, pagmamahal,
Paghahanda ng sisilungan, sa iyong pagdatal.
Ito ang pinaka-magandang lugar,
Kung saan walang problema, wala ring sugal.

Masukal man ang landas, mong tinahak,
Magsisi ka't talikdan, mo ang lahat.
Tanggapin ng buong puso, si Jesus,
Sya ang susi at tsuper ng byaheng palangit na bus.

Chorus: (2x)
Pag nagkita kita tayo sa taas,
iwagayway mo ang, iyong kamay at ako'y lalabas,
Sasalubungin ka ng yakap at halik,
wag kang pumiglas, pagkat sa'yo ako ay nananabik.
--------------------------------------------------------------------------------­-------------------------

Click to download song:
http://www.divshare.com/download/8927601-a91

--------------------------------------------------------------------------------­-------------------------

Feel free to visit:
http://www.pinoyrepublic.org

;)

Category:

Music

Tags:

• itaas
• pantas
• pinoyrepublic
• beats n vocals
• PR
• BnV
• rap