蘋果日報 - 2011-02-14 - 畢業 3年 綜援年半中大碩士 200次見工失敗

【蘋果日報報訊】碩士本來是社會的棟樑，但 26歲的梁健鵬三年前在中文大學統計系碩士課程畢業後，做過兩份工均極速被炒，年半前更開始領失業綜援，每月靠 1,830元過活；他幾乎每三日見一份工，但逾 200份申請卻無一份成功，連應徵麥當勞也被拒門外。梁在網上撰文控訴教育制度失敗，「細個幾努力讀書都冇用」。網民看過文章後，有人深表同情，更多人直斥他是 80後「高學歷、低能力」的人辦。梁對抨擊不以為然，說：「我唔係高分低能！」

記者：梁曙光、馬耀文

阿鵬自幼讀書成績優異，在觀塘瑪利諾書院畢業，會考 26分，高考 2B1C， 03年入讀中大統計系， 08年碩士畢業時 GPA有 3.6分（即學業成績平均點數， 4分滿分），成績優異。在屋邨長大，父母做勞工的阿鵬以為碩士畢業後前途美好，回報雙親，豈料踏出校門卻墮入生活困窘。

兩份工兩個月內被炒

受訪時阿鵬思路清晰，沒有精神問題，語言表達能力亦沒問題，只是社交技巧笨拙，說話從不望人。他說， 08年 9月受聘於一間美國化工公司，但遇上金融海嘯，上班不足兩個月就被炒魷； 09年 4月他到保險公司做 Sales，未夠兩個月又被炒。

他聲稱之後有努力搵工，平均每個月見工 10份，兩年來超過 200份，但沒有一成功，「我乜工都搵，乜工都願做，最想做啲同讀書有關嘅工作，例如會計、數據分析等，但好多工要工作經驗，我未做過點有經驗？」

阿鵬否認自己心頭高，「麥當勞我都見過兩次，只係想做普通店員，但對方好驚訝，話『你係碩士喎，唔好玩啦！』」他曾報考警員、救護員，都全因體能「肥佬」被拒門外，「引體­向上要做到七下，我只做到兩下」。記者問他為何不早作操練，他腼腆說：「下次會留意吓。」

中大曾公佈 08年畢業生平均月薪 17,898元，阿鵬於 09年 9月開始申領失業綜援，每月 1,830元，「每日得 61蚊用，朝早食杯麪，午餐晚飯食超巿 19蚊特價飯，有時要慳錢搭車見工，晚飯都唔食」。由於沒有錢買衣服，阿鵬每天都是穿同一套見工西裝外出。

「讀唔讀書有乜分別」

無朋友、無拍拖、無人理，鬱悶無出路，阿鵬於是在網誌上以《中大碩士失業漢》為題撰文宣洩。引來網民熱烈討論，有網民指梁不肯放下身段由低做起，認為他缺乏社交及溝通技巧­，落得如此下場與人無尤，亦有自稱中大學生行為影響中大校譽，建議校方或校友出手相助。

碩士畢業要吃綜援，阿鵬說不怕別人眼光，認為自己的故事是對教育制度的侮辱，「連碩士生都冇能力靠自己生活，咁讀唔讀書有乜分別？叫啲細路點會勤力讀書？根本係浪費納稅人­嘅錢......」

「希望社會畀機會我」

記者反覆問他，為何每年那麼多人大學畢業，惟獨他找不到工作，他最後還是承認自己有責任，「可能自己見工表現差，人際關係唔好，我有嘗試改變，但學唔識，讀書又冇教，希望­社會畀個機會我！」

記者問阿鵬是否感到自己屬於「高分低能」，他說：「我唔覺自己係，但身邊好多人係。年輕人要為公開試掙扎，消耗晒所有精神，社交同溝通技巧梗係有問題。」

Category:

News & Politics

Tags:

• 蘋果日報
• 20110214
• 畢業
• 3年
• 綜援年半中大碩士
• 200次見工失敗

[thegreatman1990]

首先 佢應該改變下佢個態度 應該放低呢個中大碩士畢業既身份 佢以為中大碩士畢業 出黎找工見工做野就一定係無敵呢個心態就以經大錯突錯 相信好多在職人士都明白到學校教你既野 出到黎社會工作 用得返既 其實都係得好少 所以出黎見工 or 工作第一步係謙虛 呢個都係中國既傳統文化都係普遍老世接受既其中一個條件而第二我­個人睇得出佢見既工有可能大部份係佢唔想做既工種黎 可做可唔做 最重要既係佢呢個心態從佢既說話既方式態度好容易俾對方睇穿 就以警察為例子 如果佢真係有心考警察既話 佢應該事前就知道呢份工作體能係好重要 佢咩都無準備 就去考 證明佢唔係有心想做 最後睇佢同個位阿姐面試佢唔敢抬起個頭望住對方 唔夠自信 呢樣野可以理解但係對方向你提出有用既建議佢總要頭fing fing相信如果係中大畢業既人 應該有足夠既能力去認知到底呢d係廢話定係有用既建議 但係佢總係俾自己個碩士畢業既身份影響住自以為自己高人一等 對方無資格向佢說教人地可以咩都唔講 直接唔請你 叫你走 你連自己咩地方出現問題 都唔知 但係對方既然肯指出呢d問題所在 就算你唔接受你都可以扮個誠懇既樣出黎 證明佢不願接受他人意見不斷自我出發

[KKBCCY]

本身聽到唔耐煩 但一另轉頭見到個camera  (4.20-4.30)

個樣驚訝到!!即刻扮用心聽 hahahah

[AwesomeGemTang]

2:40

[yanwingching]

4:20-4:25

[cklattice]

唉睇佢咁望然既眼神, 就知道佢唔知AGENT 講緊乜啦..

[Dickson3434]

佢應該練下面試技巧，如介紹自己、做呢份工作既原因等等，都應該­做好準備先去面試……

[lee19941116]

佢個look，潮到呢..

[musiclover520]

標準的兩腳書櫥吧 也許他需要的是如何與人互動 都能讀到中大統計碩士 專業能力應該不是問題吧......

[jazzkansf]

你就好啦，讀書咁叻...宜家每月有政府俾錢你洗唔洗做！我讀書­少...宜家每月就要自己返工搵錢去行街食飯睇戲買衫！這個世界­真不公平.....

[justaname111111]

@kanok310 香港人就是白痴多,應該說是中國廣州那部分, 大多數人會以取笑別人來證明自己的高品質.

香港人只會睇表面,每個人有自己的長處. 朋友叫我看這個說很好笑,這個低能兒,我一點也笑不出.

其實這個世界是否一定要以這種態度來對待別人?相隨身心,片中的­女士我看的出她是一個過份現實和會傷害別人得到利益的人.kan­ok310 在我生命中像你這種 會思考的人小之有小,

今天能看到你的想法是我的福氣.

[henrycc265]

唔知醜...