"Performance Technology", "Kadiring Sarap!", "Harry Potter Mania", and etc 5

Basketball: Unano vs. Bading

Sa sobrang hilig ng mga Pilipino sa larong basketball, lahat na yata ng puwedeng paglabanin, pinagsabong na sa hard court. Kagaya na lang sa Cebu , dalawang pambihirang koponan sa basketball ang pilit pinagsasalpok. Ang isang koponan, tila kinulang sa height ang mga manlalaro kaya madalas na mintis ang mga shoot. Ang kalaban naman nilang team, mga nakapilantik ang mga daliri habang nagdi-dribol at animo'y rumarampa kapag nagta-traveling. Kaya sa last two minutes ng kanilang game, ang mga manlalaro, tiyak daw na gugulong sa katatawa!

Performance Technology

Ang lakas at katatagan daw ng isang tao, lalo na ng mga atleta, diumano makukuha na rin daw ngayon maging sa mga bracelet? Pero hindi raw pangkaraniwan ang borloloy na ito dahil nabuo raw ito sa pamamagitan ng teknolohiya. Ang mismong bracelet, gawa sa silicon at maylar hologram --- o plastic sheet na may electrical frequency -- na siyang nagbibigay raw ng kakaibang enerhiya sa katawan ng nagsusuot. Kaya naman may kamahalan ang presyo nito. Ang tanong, epektibo nga ba ito? At hindi pa man lubusang napapatunayan ang epek nito sa lahat ng mga gumagamit, nagkalat na rin daw ang mga pekeng version nito sa mga bangketa!

Kadiring Sarap!

Sa unang tingin pa lang... kadiri na! Ang amoy naman, nakababaligtad ng sikmura! Sino ba naman ang gaganahan sa mga pagkaing ito? Dahil pinanghihinayangan ni Rodel na itapon ang mga kuko ng manok, naisipan niya itong gawing chicharon. Tradisyon naman para kina Benito ang pagkain ng pinagkatasan ng tapuy o rice wine o binulok na kanin na uulaman ng karne. Tuslob Bua naman ang ipinagmamalaki ng mga Cebuano --- ang sinabawang utak at atay ng baboy! Pero sa kabila ng umaalingasaw nitong amoy at kasumpa-sumpang hitsura, "heaven" naman daw ang lasa ng mga ito!

Harry Potter Mania

Isa na siguro ang Harry Potter sa pinakamatagumpay na karakter mula sa libro na sinakop na rin maging ang mundo ng pelikula. Muling laman ng mga usap-usapan si Harry Potter lalo pa't isa na namang Harry Potter film ang ipapalabas sa mga darating na araw. Dahil dito, parang magic na namang nagsulputan ang mga Harry Potter fan at ang iba't-ibang impluwensya nito sa ating mga Pilipino!

Christmas Pasyalan

Ilang tulog na lang, Pasko na naman! At para makumpleto ang happiest season ng taon, marami sa atin, dinadaan ito sa pamamasyal! Sa Makilala, Cotabato, isang bahay ang hitik na hitik sa ilaw at dekorasyon --- ang Christmas House ng pamilya Vega. Sa kalapit namang bayan ng Kidapawan, mga buhay na Pine tree na pinaku-kutitap ng mga ilaw sa gabi ang dinarayo ng mga turista. Isang light and sound spectacle naman sa Manila Ocean Park ang pinagkakaguluhan ng mga taga-siyudad lalo na ng mga bata. At dahil walang snow dito sa Pilipinas, ice sculpture ang nakitang pantapat ng mga taga-Laguna para lalong maramdaman ng ilan nating mga kababayan ang lamig ng Kapaskuhan!

Category:

People & Blogs

Tags:

• kmjs
• 5
• wmv