Paulin Nuotclà - Engiadina

Engiadina - La chanzun nr. 2 our da l'album "Mouva't" (1984; restampa 2007).

Tuot ils drets da reproducziun appartegnan a Paulin Nuotclà.

Text:

Il prüm chi'd es gnü sarà stat ün chatschader,
seis nom invlidà dalönch innan.
Ingün nu sa cura, ma sgüra ch'üna jada
steivan chasas da lain sün ün plan.
Ma il uaud ha tschessà ed il plan es creschü
fin cha l'ultim d'eira qui'ün cumün.
Chi chi d'eira la glieud e d'ingionder chi gnivan
da quai nu's regorda pü ingün.

Il prüm ün cumün e davo d'eiran plunas,
quai chi crescha as vain svelt in peis.
I varan cumbattü per robas nauschas e bunas
sainza spettar alch paradis.
Chi chi d'eira damassa partiva per l'eister
e blers nu saran pü tuornats
e quês chi resteivan as deivan fadia
da viver da lur ers e da lur prats.

Quai es quai chi d'eira e uossa dumonda't,
scha'l temp sia dindet gnü pü svelt.
Ils lous s'han svödats e pü d'ün s'dà da buonder
ch'el viva tuot auter sco schelt.
La pizza sta sald'ed il vent chi chantina
tras crappa chi'd ha adüna taschü.
As dà pac da far per la glieud chi cumbina,
be robas chi's müdan ün di.

As dà pac da far per la glieud chi cumbina,
be robas chi's müdan ün di.

Category:

Music

Tags:

• Engiadina

[andreascollenberg]

Paulin for President!!! :-)