Cyfleoedd newydd i astudio a dilyn gyrfa gyda'r heddlu

Mae cynllun ysgoloriaeth llwyddiannus sydd â'r nod o gynyddu'r nifer o siaradwyr Cymraeg sy'n dilyn gyrfa gyda'r heddlu yn cael ei ymestyn gan Heddlu Gogledd Cymru a Phrifysgol Bangor.
Am y tro cyntaf, mae ysgoloriaeth bellach yn cael ei gynnig, wedi ei anelu at bobl o bob oedran sydd â diddordeb astudio am radd BA mewn Cymdeithaseg a Pholisi Cymdeithasol trwy gyfrwng y Gymraeg.
Bydd yr ymgeisydd llwyddiannus yn derbyn ysgoloriaeth o £1,000 yn flynyddol dros gyfnod o dair blynedd. Byddent hefyd yn cael cynnig y cyfle i wneud chwe wythnos o brofiad gwaith gyda Heddlu Gogledd Cymru.
Estyniad yw'r fenter newydd hon o'r bartneriaeth a sefydlwyd dwy flynedd yn ôl gydag Ysgol Gwyddorau Cymdeithas Prifysgol Bangor, gydag ysgoloriaeth yn cael ei gynnig i fyfyrwyr chweched dosbarth ar draws Cymru.
Meddai'r Uwch Arolygydd Ray Hughes, Pennaeth Gwasanaethau Cymraeg Heddlu Gogledd Cymru, "Mae Heddlu Gogledd Cymru yn awyddus iawn i gynyddu'r nifer o staff sydd â Chymraeg llafar ac ysgrifenedig safonol.
"Nod y prosiect ar y cyd yw cynyddu'r nifer o fyfyrwyr sy'n dilyn cwrs gradd addysg uwchradd trwy gyfrwng y Gymraeg, a all wedyn gysidro gyrfa gyda'r Heddlu wedi iddynt raddio.
"Yn ôl Deddf yr Iaith Gymraeg 1993, mae'n ofynnol arnom, fel corff cyhoeddus, i gynnig gwasanaethau dwyieithog. Fel un o'r cyflogwyr mwyaf yng Ngogledd Cymru rydym hefyd yn cydnabod ein cyfrifoldeb i hyrwyddo prosiectau sy'n ehangu'r grwpiau sy'n cymryd rhan gan ddarparu cyfleoedd newydd yn yr iaith Gymraeg."
Meddai Gwenda Rhian, Tiwtor Mynediad ar gyfer y radd yn yr Ysgol Bolisi Cymdeithasol, "Mae'r profiad gwaith yn gyfle gwych i weld sut mae gwasanaeth argyfwng yn gweithredu, ac i ddysgu mwy am amrywiaeth y cyfleoedd gwaith heriol a boddhaol sydd ar gael."
Mae'r Brifysgol a'r Heddlu yn gwahodd unrhyw un sydd â diddordeb yn yr Ysgoloriaethau i ddod i un o dri chyfarfod er mwyn darganfod mwy am y prosiect. Bydd y cyfarfodydd yn cael eu cynnal ar y dyddiadau canlynol:
• Dydd Mercher, 4 Mehefin rhwng 6.00pm a 7.30pm -- Ystafell S5 (ail lawr), Coleg Addysg ac Addysg Gydol Oes, Prifysgol Bangor, Dean St, Bangor
• Dydd Mawrth, 10 Mehefin rhwng 6.00pm a 7.30pm -- Ystafell D17, Coleg Meirion Dwyfor, Ffordd Ty'n Coed, Dolgellau
• Dydd Mercher, 18 Mehefin rhwng 6.00pm a 7.30pm - Llys Clwyd, Stad Ddiwydiannol Lon Parcwr, Rhuthun, Sir Ddinbych

Nodiadau:
• Lansiwyd y cynllun ysgoloriaeth gwreiddiol yn y Brifysgol ym Medi 2006
• Cynigir pedwar ysgoloriaeth bob blwyddyn gan Heddlu Gogledd Cymru, pob un yn werth £1,000 y flwyddyn dros dair blynedd
• Mae'r cynllun newydd yn cael ei ymestyn ar gyfer pobl o bob oedran sydd â diddordeb datblygu gyrfa gyda Heddlu Gogledd Cymru

Category:

News & Politics

Tags:

• North
• Wales
• Police
• Bangor
• University
• Career
• scholarship
• heddlu
• gogledd
• cymru
• Gwyddorau
• Cymdeithas
• astudio