Հանդիսությունների սրահ` Այգեձորում

Բերդի տարածաշրջանի սահմանամերձ Այգեձոր համայնքը 2008թ.-ին համայնքային բյուջեի եւ «Վարձատրվող հասարակական աշխատանքներ» ծրագրի ֆինանսավորմամբ նախաձեռնեց հանդիսությունների սրահի շինարարությունը: Սակայն ֆինանսների սղության պատճառով շինարարությունը կիսատ մնաց: ԱՄՆ միջազգային զարգազման գործակալության կողմից ֆինանսավորվող «Քոփերաթիվ ֆաունդեյշն ինթերնեյշնլի» եւ «Շեն» ՀԿ-ի կողմից իրականացվող «Փոքրածավալ ենթակառուցվածքների վերականգնման ծրագրի» շնորհիվ շինարարությունն ավարտին է հասցվել: Հանդիսությունների սրահը կառուցապատվել է, սրահի հատակը` սալիկապատվել , տեղադրվել են կախովի առաստաղներ, կառուցվել` արդիական խոհանոց եւ զուգարան, լոկալ ջեռուցման համակարգ է տեղադրվել, տարածքը` ցանկապատվել է: Հանդիսությունների սրահը կահավորվել է փայտե սեղաններով եւ աթոռներով: Շինարարական ողջ աշխատանքը 5 ամսվա ընթացքում կատարել են համայնքի 23 բնակիչները,: Հանդիսությունների սրահի գործարկումից հետո 3 այգեձորցի կաշխատեն այստեղ: Դահլիճի վարձակալությունից ստացված գումարները ոչ միայն կապահովեն հանդիսությունների սրահի ինքնածախսածածկումը: 3850 բնակիչ ունեցող համայնքի ղեկավար Սասուն Սաֆարյանը կարծում է, որ սրահի վարձակալությունից ստացված գումարները կօգնեն համայնքի 2 մանկապարտեզների գործունեությանը: Հունիսի 10-ին կայացավ հանդիսությունների սրահի հանդիսավոր բացումը: Բացման ժապավենը կտրեցին Հայաստանում ԱՄՆ դեսպան Մարի Յովանովիչը եւ Տավուշի մարզպետ Արմեն Ղուլարյանը:

Category:

News & Politics