ASESINATO 030112.mov

Tópiko,Tiramentu ku un morto na Saliña.

Djamars, 3 yanüari 2012, alrededor di 00.17'or, Sentral di Polis a haña notifikashon di un kaso di tiramentu ku a kaba di tuma lugá na Saliña.
E unidat polisial ku a yega na e sitio, a topa ku kurpa di un hòmber ku vários herida di bala na su kurpa i ku no ta duna señal di bida. For di un investigashon preliminar a resultá, ku dos hòmber a yega na e sitio den nan vehíkulo, baha i los algun tiru dirigí riba e víktima, Giovannie Ubaldo Janzen, nasé na Kòrsou, 16 di mei 1977. Despues di nan akto e dos hòmbernan sospechoso a drenta nan vehíkulo i bai for di e sitio. Motibu di e tiramentu ariba menshoná te na e momentunan aki ta deskonosí. Alrededor di 01.40'or dòkter di polis a konstatá morto di e víktima. Riba òrdu di Fiskal di Ministerio Públiko, a konfiská e kurpa sin bida di e víktima pa mas investigashon.
Investigashon den e kaso ta kontinuá.

Tep:
Un súplika ta bai na tur persona ku ta kere ku nan tin informashon riba e kaso aki pa pasa e informashon aki pa Polis. Por yama Departamento di Reshèrshi na e number di telefon 866-6119, 866-6221 i tambe por yama 911 durante di 24 ora òf e number anónimo 108.

Category:

News & Politics

Tags:

• kkoeyers
• asesinato
• curacao