OS DIPLOMÁTICOS DE MONTE-ALTO CON MERCEDES PEÓN: Nordés

Tema de Os Diplomáticos de Monte-Alto contido no disco Capetón (Fonomusic, 1999), cantado pola poderosa voz de Mercedes Peón. A canción tamén soaba no espacio Xabarín da Televisión Galega.

Realización: Xavier Valiño

Letra:

Mariñeiriño da mare, mariñeiriño da mare,
debaixo da túa bandeira non me queiras agardare.
Eu nacín no Berbés, eu nacín na Ribeira
Traio balanzo do mare, traio a forza das mareas
Que ben zoupan os motores, como zoa o vendavale
eu veño da fin da mundo, nacida pra navegare
Miña nai deume os camiños e o meu pai deixoume o mare
Non tiñan máis que deixarme, nin eu penso máis deixare.

Indo polo mar abaixo oín cantar unha serea
válgame Deus que ben canta unha cousa tan pequena.

Mariñeiro destes mares, asegura ben a vida
Os piratas dos despachos pintan rotas podrecidas
Meu avó foi ó Gran Sole o e o meu pai chegou a Angola
E eu que son mariñeiriña hei dar volta á Terra toda
En Hong Kong, en Singapur e no Pireo, en Hamburgo
Ten que haber sempre un galego pra botar un aturuxo.

Indo polo mar abaixo oín cantar unha serea
válgame Deus que ben canta unha cousa tan pequena.

Nin cadeas nin fronteiras, nosa fortuna é o mare
Nin fronteiras nin cancelas, nacidos pra navegare.

Category:

Music

Tags:

• OS DIPLOMÁTICOS DE MONTE-ALTO
• MERCEDES PEÓN
• NORDÉS
• CAPETÓN
• XABARÍN
• ROCK-FOLK
• ACORDEÓN
• VOZ PODEROSA

[sonpamelinha]

cada vez q oio esta cancion ponhenseme os pelos de punta!