Plaid Cymru - Nerys Evans AM addresses NUS Wales Conference 2011

*Mae'r fideo wedi cael eu is-teitlo yng Ngymraeg. Gwthio'r botwm 'CC' ar y fideo ac dewiswch 'Welsh' neu 'Cymraeg'*

Nerys Evans AM (Education spokesperson for Plaid Cymru) made this video, as did the 4 main political parties to address NUS Wales Conference 2011.
Each party was asked to elaborate on their party's plans on Education Maintenance Allowance (EMA), the Assembly Learning Grant (ALG) and the Financial Contingency Fund (FCF) and Tuition Fees, ahead of the National Assembly of Wales Elections on
5th MAY 2011

http://accessallareaswales.org.uk/
http://www.nusconnect.org.uk/campaigns/nations/wales/
Facebook - http://on.fb.me/eiUvdM
www.twitter.com/nuswales

Adysgrif Cymraeg
Fy enw i yw Nerys Evans a fi yw llefarydd addysg Plaid Cymru. Mae Plaid Cymru yn credu'n gryf fod addysg yn hawl ac na ddylid penderfynu ar fynediad i addysg ar sail faint o arian sydd gennych chi. Mynegwyd ein gwrthwynebiad i gynlluniau Llafur i gyflwyno ffioedd ychydig flynyddoedd yn ôl ac 'rydym nawr yn gwrthwynebu argymhellion y Ceidwadwyr a'r Democratiaid Rhyddfrydol i gynyddu'n sylweddol cost Addysg Uwch yn Lloegr. 'Rydym yn falch iawn fod llywodraeth Plaid Cymru a Llafur yng Nghymru wedi penderfynu peidio dilyn llwybr Lloegr ac wedi mynd ati i amddiffyn myfyrwyr Cymru. 'Rydym yn siomedig fod y Torïaid yma yng Nghymru wedi dweud y byddant yn dilyn eu cyfeillion yn Lloegr, ac maent hefyd wedi dweud, wrth gwrs, y byddant yn torri'r gyllideb addysg o gymaint â 20%.

Bydd Plaid Cymru yn parhau gyda'r polisi hwnnw hyd nes bydd etholiad y Cynulliad wedi cael ei gynnal ym mis Mai, a byddwn yn ceisio diddymu ffioedd cyflenwi a ffioedd dysgu pan fydd cyllid cyhoeddus yn caniatáu hynny.

Mae AU ac AB yn chwarae rôl allweddol mewn datblygiad economaidd a byddant yn parhau i wneud hynny. Credwn y dylai mwy o arian gyrraedd y 'stafell ddosbarth a'r ddarlithfa, ac 'rydym eisiau cynyddu gallu ein sefydliadau AU i gynnal ymchwil.

'Rydym eisiau cynnal y gyfundrefn visa gyfredol ar gyfer myfyrwyr tramor.

'Rydym yn eithriadol o falch fod un o bolisïau hir-dymor Plaid Cymru yn cael ei weithredu, sef sefydlu'r Coleg Ffederal. Bydd y coleg yn derbyn ei fyfyrwyr cyntaf ym mis Medi.

'Rydym eisiau cynyddu'r ddarpariaeth drwy gyfrwng y Gymraeg a sefydlu Coleg Ffederal tebyg ar gyfer ein Sefydliadau AB. 'Rydym eisiau rhoi terfyn ar ymgorfforiaeth ein sefydliadau AB, ac 'rydym eisiau fframwaith genedlaethol ar gyfer cyflogau ac amodau gwaith staff AB.

'Rydym yn gefnogol i Grant Dysgu'r Cynulliad a Lwfans Cynhaliaeth Addysg, a byddwn yn parhau â hynny i mewn i dymor nesaf y Cynulliad. Yn olaf, 'rydym eisiau cynllun bwrseriaeth cenedlaethol ar gyfer y plant hynny mae'r wladwriaeth yn gofalu amdanynt, fel bod gan awdurdodau lleol ddyletswydd i ddarparu cyllid ar gyfer plant mewn gofal er mwyn iddynt gael mynediad i addysg uwch.

Category:

News & Politics

Tags:

• NUS
• Nerys Evans AM
• NUS Wales
• Access All Areas Wales
• Plaid Cymru
• election 2011