Guillaume de Machaut - Tuit mi penser (virelai)

Gothic Voices
The Mirror of Narcissus: Songs by Machaut

Tuit mi penser
Sont sans cesser
En vous amer
Et honnoureur,
Tres douce creature.

Nonques mes yeus saouler
De regarder
Et remirer
Vo gente pourtraiture
Ne pos ne mon cuer oster
D'adès penser
A vo vis cler
Et à vo bonté pure.
Ce fait doubler
Et embraser
Et aviver
Par desirer
Mon amoursement ardure.
Tuit me penser
Sont san cesser
En vous amer.

Mais, tant com porray durer,
La vueil porter
Et endurer
Humblement, sans ardure.
Ne ja ne vous quier rouver
Guerredonner
Ne demoustrer
Que je la tiengne à dure;
Car trop parler
Puet moult grever,
Et refuser
Feroit crever
Mon cuer de sa pointure.
Tuit mi penser
Sont sans cesser
En vous amer
Et honnoureur,
Tres douce creature.

Si que, tres belle sans per,
Que voy passer
Et sormonter
Toute ouevre de Nature,
On ne me doit pas blasmer,
Se mon penser
Ay sans fausser
Mis et toute ma cure
En vous loer,
En vous garder,
En vous celer,
En vous douter,
Car c'est ma norreture.
Tuit mi penser
Sont sans cesser
En vous amer
Et honnoureur,
Tres douce creature.

Category:

Music

Tags:

• Machaut
• virelai
• Gothic Voices

[p0lyph0nyXX]

exceptional (both the piece and the performance)! thank you!