زجل - حفلة بيت مري ج2

افتتاحية الضيف

زغلول الدَّامور


اعْذِريني يا حْروفِ الأبْجَدِيِّة إذا ما بَعْمُلِ الواجِبْ عَلَيِّي

خْسِرِتْ خَيِّي اللِّي مِفْضل عَ اوْلادي وْعَلَيِّي

مِتِل إمِّي وْمِتِل بَيِّي

خَمِس ٍاعات صارْ لُو .. مِشْ زْيادِة

ما حالُّو يِبْتِدي النِّسْيان فيِّي

بْعزا خَيِّي رْجِعِت

عَزِّي فؤادي .. لأنِّي

بِعْتِبِرْ كِلّ شخْص مِنْكُنْ،

بَعْد ما مات خَيِّي، مْحَلّ خَيِّي


*******


وْياقَلْعِة بيتْمِرِي الـْ ما بْتِجْهَليني

أنا إبْنِك وْإنتِ بْتَعِرْفيني

حِمِلْني والْدي مْنِ الشُّوف خِلْعَة وْنَقَلْني

مِنْ مَدينِة عَ مَدينِة

خْلِقِتْ بِجْدَيدْتِك وطْلِعِتْ طَلْعَة

تَشِفْت الشَّمْس أوطى مِنِ جْبيني

وْمِنِ الشِِّعَّار !!

كَمْ شَلْعَة بِشَلْعَة مِشُو خْواريف عَ شْمالي وْيَميني ..

ياقَلْعِة بيت مِري ..

لَوْ ألْف بَلعة عَطَيتي لـَ لِتْحَدَّاني بْعَريني

لـَ لِتْحَدَّاني بْعَريني

لـَ خَلِّي الصَّوْت

مِن قَلْعَة لـِ قَلْعَة .. يِدْوي

مِتِل قِنْبِلْةِ الـْ فَجَرها الأميرْكانْ

بْهيروشيما الحَزينِة

وْيا سِنْةِ الْواحِد وْسَبْعينْ كُوني الْحَكَم بَيْن القَساوِة والْلُّيونِة

اسْهَري، عَ جَوقْةِ الْمَرْحوم، معْنا

مِتِل ما بْتِسْهَر الأرْض الحَنُونِة

وْياموسى بَعْد ما المِشْرِفْ
جَمَعْنا .. وْعَطَيْناكُنْ عَ عَََشْرِ شْهور مُونِة

الْمُونِة خِلْصِتْ

وْنِحْنا رْجِعْنا اطْلُبوني يا يَتامى

بْتوجََدوني

اشْبَعُو ..

نِحنا قَبِلْ مِنْكُنْ شْبِعْنا

الْبِسُونا بْصِدِرْكُن

قونِة وْقونِة

احْصِدوا .. نِحْنا كَرامِتْكُنْ زَرَعْنا ..

اعْتَدْتُو تاكْلُوني بْلَيْل أعْمى ..

وْعَلى صْياحِ الدُّيوك

بتنكروني

Category:

Music

Tags:

• السويداء
• دار
• عرى
• ابوغالب
• star6
• زجل
• كرامة
• تراث

[fiftygall]

كنا نستنا هلحفله مره بالاسبوع بمساء الااربعاء ما احلى سنوات ال 70



[sonoflebanon711]

very nice

[10929945]

الله يا زغلول صوت وشعر وطلة منبرية بهية

[fiftygall]

very good words to one of the famous man

[fiftygall]

كلمات جميلة جدا ما احلا 1971

[amerarnouk]

كبيرررررررررررررررررررررر يا ملك الزجل

[yousseph123]

كلام مؤثر لزغلول الدامور

[hjhjhjhjhs]

ahaaaaaaaaaaah ya zaghloul ya kbirrrr

[Naderkucairo]

شكرا شكرا شكرا!

[MrGypaete]

من ٣٩ سنة بتزكر ها لشعر ، زغلول بالنسبة الي ، اكبر شاعر ،احلي واجمل صوت، واخلص صديق