Padan (cimbro classico dei Sette Comuni)

Simeuun Meneghiin Frigo Métel Ghita
(Simeone Domenico Frigo, geometra)

Robaan / Roana
VI 1971


Padan


Vóar allez
du bill da mizzan dèz:

Mizz sich légan abe
alle de ségnen in de poodom,
slagan niidar alle de stèkhen,
ziigan de snuar,
luugan sallo in ségnen zo machan.

Dénne mizz du hooban allez
diisen èerden,
zo machan de fundaziuun.
Gasìnn asò.

Un dann
mét-ten khnòtten,
mét-ten malten,
gamàcht met sant un khalch,
mizz du machan de fundaziuun.

Un khèmment aufar de mauren.
Dar èerste stòkh is dèar vomm poodom.
Dar zbaite stòkh ist òbarn,
bénne du hast gamàcht allez
im pilde von diisen khèmmarlen
un von diisen zimmarn,
ba bar machan.

Und atte léste
bar machan in dach.
Azò de dèchlen
mizzent khèmman da,
mizzent haban latten hòltz,
sbaar,
zon de trèga-poomen,
de langhen poomen,
und alle de bante,
ba se da machent,
und allez in hòltz
und mét-ten plètzen aisarn gasìngart,
und hangan au in allez.

Dèz is zo machan, in mintzikh bóart,
asò mizz sich machan au z haus.

Category:

Science & Technology

Tags:

• cimbro
• cimbri
• zimbrisch
• Zimbern
• cimbrian
• Sette Comuni
• 7 Comuni
• Sieben Gemeinden
• 7 Gemeinden
• Remigius Geiser
• Remigio Geiser
• letteratura
• literature
• Literatur
• klassisches Zimbrisch
• cimbro classico
• Roana
• Robaan
• Roban
• Hausbau
• fabbricare
• Architektur
• architettura
• Simeone Domenigo Frigo
• Simeone Frigo
• Metel
• Frigo Metel
• Meneghin Frigo