Granxa Casa do Xastre

A nosa familia vive no Concello de Antas de Ulla, emprazado na Comarca da Ulloa, en pleno corazón de Galicia. Este espazo goza dunha gran riqueza cultural e paisaxística, destacando os seus bosques de vexetación autóctona, así como os numerosos pazos e casas señoriais dispersas por toda a comarca.

Este é un espazo onde a poboación ten unha forte vinculación cos animais e a terra, que alimentou e cultivou dende tempos ancestrais. A pesar de que cada día a actividade agraria e gandeira vai quedando nun segundo plano, a nosa familia aínda segue con esta tradición, non como medio de vida, pero si para o consumo da familia.

Ate hai só catro anos, a actividade principal era a explotación de gando vacún de carne, pero na actualidade dedicámonos á cría ecolóxica de cabritos. Trátase dunha explotación caprina de carácter extensivo, onde os animais saen a pastar todos os días -sempre que a meteoroloxía o permita-, tanto as nais como as crías. Tamén cultivamos productos de horta; leitugas, cenorias, cebolas, porros, fabas, e xudías, ademais de froita variada, patacas, castañas e mel.

Estes son algúns dos productos que cultivamos para o noso consumo, e que en pequenas cantidades podemos ofrecer ós internautas que navegan por esta web.

Ven a vernos
Coñece os productos que consumimos vindo a velos. Queremos vender os nosos productos a un prezo xusto e difundir a cultura rural e o respecto polo medio ambiente e os animais. Podedes visitarnos preferiblemente as fins de semana.

Category:

News & Politics

Tags:

• Granxa
• Familiar
• Xastre
• Antas
• de
• Ulla

[RIOGE]

Hola me encanto el vídeo, ya que recorrí esas tierras de pequeño, soy el hijo de maruja de casa nova, me alegro mucho ver el video aun que me gustaban mas las vacas . Si no recuerdo mal XAVIER un abrazo (Hay que ver lo que se puede ver por internet)