Nauha - 03 - Jayati Bawari - Safar Hai Khalq Se Ab Badshaahe Aalam Ka

Imam e Hussain (a.s.) ki zaat e gerami firqa o mazhab ke imtiyaaz se bari hai.
Waqaey Karbala ke baad se yeh Shaheed e Insaniyat tamaam aalam se khiraaj e aqeedat hasil kar raha hai.
Ahle Hunood ki Imam Hussain (a.s.) se aqeedat koi naii baat nahiN hai. SadyoN se woh Hussain ka gham manaate aa rahe haiN. Unke jazbaat ki kya khoob
tarjumaani Janab Dibakar Rahi* Sahab ne ki hai:

Tum mitey, lekin tumheiN mitne na deiNge aey Hussain
Woh tumhaara kaam tha, aur yeh hamaara kaam hai.

Pichle baras Soazkhwani ki eik video "Hindu Khatoon" ke unwaan se Lucknow ki mohtarma SUNITA JHINGRAN ko logoN ne kaafi pasand kiya.
Aaj maiN Kolkata ki Mohtarma JAYATI BAWARI Saheba ki 3 audios upload kar raha hooN. Aap NGOs ke liye kaam karti haiN,ya yuuN kahiye ke khalq e Khuda ki khidmat karti haiN. Jis khoobsurti se unhoN ne paRha hai, uss se Karbala
waaloN se unki aqeedat ka andaza lagaya ja sakta hai.

Soaz:

Safar hai khalq se ab Baadshaahe Aalam ka
Udasi chaai hai ghar par wufoor hai gham ka

Nabi* ki Aal meiN barpa hai shoar maatam ka
Pisar Butool ka mehmaaN hai ab koi dam ka

Lahu meiN seenaey Shaahe Hijaz doobeiga
Koi ghaRi meiN Haram ka jahaaz doobeiga

Category:

Education

Tags:

• Matam
• soaz
• salam
• marsiya
• majlis
• jayati
• bawari
• moharram
• kolkata
• mirza
• jamal
• mahakavi

[sajubhai]

MOhtaram Janab Mirza sahab,

Mola a.s apko jazaey khair ata farmain. Bohat alaa kalam hay aur ussi tarha say parhaee bhi khob ki gaee hay....Jayati g aapki bhi khair ho.Mola a.s shad o abaad rakhain ameen..

[mahakavi]

@sajubhai

DuaoN ke liye aapka bahot bahot shukriyah.

Jayati Saheba ne bahot mehnat aur aqeedat se paRha hai. Unki 3 videos main ne upload ki haiN. Agar na suni hoN to zaroor suniyega.

Shukriyah,

Mirza Jamal

[Adyamaaa]

@sajubhai Aapke duayeiN sar ankhon par....:) Jayati

[Adyamaaa]

@sajubhai: Shukriya.....

[gulrukkh]

Bahot achcha nauha parha hai. Likkha bhi bahot achcha hai.

Thanks mahakaviji.