Автобуските билети поскапуваат

"Од 22 овој месец билетите во градската зона поскапуваат за пет денари, односно цената на купен билет во билетарница од 25 денари се зголемува на 30, а билетите купени во возило од 30 се зголемуваат на 35 денари.
Цената на билетите за приградските линии се изедначува на 35 денари, додека билетот за 10 возења се менува од 230 на 250 денари за градските и од 280 на 300 денари за приградските линии.
Цената на месечните билети за вработени останува иста 1460 денари, додека месечните билети за ученици и пензионери ќе имаа само една зона и ќе бидат со универзална цена од 1.050 денари.
Иако има реформи и во месечните билети, цената за редовните и лојални клиенти, односно патниците со слободни карти останува непроменета.
-Претплатините билети за учениците и за пензионерите на градски и на приградски линии ги изедначуваме и ќе постојат само едни ученички билети и само едни пензионерски кои ќе чибат 1050 денари, за разлика од досега кога имаше ученички за градски и ученички за приградски линии кои чинеа 950, односно 1050 денари. Веднаш да укажам дека редовните патници, оние кои ни се лојални патници нема да почуствуваат зголемување на цената, затоа што претплатните билети остануваат исти, потенцира директор на ЈСП-Скопје Мишо Николов.
Главната и неминовна причина за зголемувањето на цената на билетите е поскапувањето на нафтата.
Во изминатиот период, последен пат цената на билетите во ЈСП е покачена во 2006 година кога цената на нафтата изнесувала околу 50 денари.
-Од тогаш немаме нагорна промена на цената на билетите иако денес цената на нафтата изнесува 68 денари. Напротив, во изминатиот период цената на билетите неколку пати се намалуваше, велат од ЈСП.
"

Category:

News & Politics

Tags:

• JSP
• miso