Protesta contra Reganosa: veciños de Mugardos n'A Fonsagrada

O 25 de agosto unha representación da veciñanza pechada na Casa do Concello de Mugardos e membros do Comité Cidadán de Emerxencia para a Ría de Ferrol, desprazáronse en autobus até A Fonsagrada, concello da montaña do leste galego, o máis grande de Galiza [438,91 km²], mais pouco poboado [sobre uns 5.000 habitantes].

O motivo do desprazamento foi porque ese sábado, 25 de agosto, o Presidente Zapatero estivo na Fonsagarada nun acto político e un xantar. A veciñanza valorou que era un bon momento para amosar as faixas reivindicativas e o despropósito gasístico que están a facer no corazón da Ría de Ferrol.

Ía-se coa intención de poder achegar-se até Zapatero para entrevistar-se e entregar-lle a documentación do despropósito gasístico, mais sendo conscentes do difícil do asunto.

Outro obxectivo era o do efecto mediático, pois aun Presidente de Goberno, siguen-lle dúcias de medios informativos, polo que non se podía desaproveitar a ocasión, como así foi.

Nas inmediacións do polideportivo municipal, colocaronse, ben visíbeis, as faixas reivindicativas e denunciadoras contra REGANOSA e reapartiron-se boletíns informativos entre as persoas que acudiron ao acto, entre as que estaban xornalistas e representantes institucionais, políticos, ...

Category:

News & Politics

Tags:

• recanosa
• fora
• ria
• ferrol
• mugardos
• fonsagrada
• protesta
• concentracion
• zapatero
• touriño
• mitin
• galiza