4 te dënuar ne Fushe Krujë tentojnë arratisjen - Vizion Plus - News - Lajme

Fran Marashi i dënuari për vrasjen e katër policeve, një qytetari dhe plagosjen e dy efektiveve ne Urën Vajgurore ne vitin 1997, ka tentuar për herë te dyte arratisjen këtë radhe nga burgu i Fushe Krujës.
Por 33-vjeçari se bashku me tre te dënuar te tjerë po nga Shkodra nuk ka mundur ta finalizoje planin e arratisjes. Mësohet se katër te dënuarit, tre prej te cilëve me burgim te përjetshëm, kane dëmtuar fillimisht murin e qelisë ku qëndronin. Me pas kane prere tre hekura te dritares me prerëse diamanti. Por kur kane tentuar te largohen rreth orës 04:45 minuta te mëngjesit te se martës, ata janë pikasur nga rojet, çka ka bere qe tu dështojë plani i organizuar prej kohesh. "Forcat e sigurisë të institucionit kanë konstatuar 4 të dënuar të sigurisë të lartë në përpjekje për tu larguar nga vendi i vuajtjes së dënimit. Pasi kanë dëmtuar murin e brendshëm të dhomës ku ata qëndronin, kanë prerë 3 hekura të dritares dhe kane dalë nga dhoma, poshtë dritares së tyre, ku janë vënë re nga polici i shërbimit i cili ka njoftuar menjëherë forcat e tjera të policisë së burgjeve. Pas ndalimit te dënuarit janë izoluar ne dhoma ne veçanta. Efektivet kane sekuestruar në cilësinë e provës materiale pajisjen me të cilën u prenë hekurat, ndërkohë që prokuroria ka nisur hetimet e po verifikon dyshimet për bashkëpunëtorë nga jashtë, që kanë ndihmuar Marashin për futjen në ambientet e brendshme të prerësit," thuhet ne njoftimin për shtyp. Fran Marashi qe mendohet te jete organizatori i planit, ka mundur te arratiset edhe ne vitin 2008 nga burgu i sigurisë se larte ne Burrel. Se bashku me anëtarin tjetër te bandës se Urës Vajgurore Preng Lleshin ata arritën te largoheshin nga dritarja e magazinës se ushqimeve. Por liria e tyre zgjati veçse pak ore, pasi u arrestuan ne një fshat disa km larg qytetit. Arratisja e tyre u shoqërua me shkarkimin e drejtuesve te burgut dhe personelit te turnit. Marashi i njohur si anëtar i bandës se Urës Vajgurore, është ekstraduar nga Italia ne vitin 2006. Ai është dënuar me burgim te përjetshëm për vrasjen e policeve si dhe për krijim, organizim dhe drejtim te organizatës kriminale dhe kryerje te veprave nga organizata kriminale. Këtyre veprave penale i është shtuar edhe largimi nga vendi i dënimit. Ndërsa te burgosurit e tjerë qe tentuan arratinë janë: Gëzim Guri 34 vjeç nga Shkodra, i dënuar me burgim të përjetshëm për vrasje në rrethana cilësuese dhe vjedhje me armë. Prel Vucaj 39 vjeç nga Shkodra është dënuar me burgim të përjetshëm për vjedhje me pasojë vdekjen si dhe Prodhim dhe mbajtje pa leje të armëve luftarake. Altin Kodra 36 vjeç nga Shkodra është dënuar me 22 vjet burg për vrasje me dashje dhe prodhim e mbajtje pa leje të armëve luftarake.

Category:

News & Politics

Tags:

• vizion
• plus
• news
• lajme
• arratisje
• tentative
• burg
• albania
• recording
• session
• ultimate

[AL007AB]

aju kan arrestu keta bethqimat policat pyt ju qifsha ropt mu ne pillll rop qima polict jeni nisha xz zoti ju a baft hallalll largoheni prap se ne shkoder ka ba jehon largimi juaj