1979 - Diana di l'Alba - 11 - A berlina

1979 - A berlina Arrighjistramentu ricacciatu da u VINYLE.

http://www.forucorsu.com/

A quatr'ori di matina,
Ni parti da PORTI-VECCHJU
Di PANIGHI la berlina
Lucenti com'unu specchju,
Ni porta li passaghjeri
Tanti corsi che stranieri.

E comu prima stazzioni
Subitu avem'a SOTTA
Diversi so li parsonni
Vinuti da tanti loci,
Cun paquet'e cun balisgi
Ghjuvanell'e barbi grisgi.

E Lisandru senza gena
Toca l'acciliratori,
Munitu cu la sirena,
Ghjir'intondu lu mutori
Tuttu cunturnend'a CAGNA
Si direghja par muntagna.

Cuddendu par BURAVONU
A l'odori di lu pinu,
Si traversa lu vangonu
Di la furesta di SPINA,
Prutetu da Cristofilu
Varca lu colu di BACINU.

O tamant'he l'alligria
Chi prestu sem'in ORONU,
Chi da CARBINI a LIVIA
C'arranghjanu lu stradonu
E di veda cosa strana
Ni rid'ancu la taccana.

Da LIVIA a SAN GAVINU
ZONZA ven'in cusiquenza
S'arrev'a fa lu spuntinu
A lu salamu di QUENZA,
Cullà si trova di tuttu
Casgiu merzu e bon prisutu.

A l'odori di la vervena
Frisca come nev'alpina,
S'arreva in SCUPAMENA,
Rispirendu l'aria fina,
L'acqua fresca di u vengonu,
U liguori di lu cantonu.

D'issu locu mi ramentu,
A u bel tempu ghjuvanili
Senza distingu'u mumentu
A u fior di lu verd'aprili,
Locu di tanta dulcezza
D'amor'e di cuntitezza.

Da lu vecchju castagnu,
D'AUDDE si va in PITRETU,
Si traversanu li bagni,
LAMASINA incu GRUSSETU,
Sott'a l'arburi frunduti
No semu li binvinuti.

Quandu si salta la boca
Di SAN GHJORGHJU l'ustillieri,
Ma comu senza paura
Si po part'a lu stranieri,
Lageendu a funtanedda,
Si va in CAVRU e in TISCIATEDDU.

Attacend'a rimpianata
Quidda di CAMPU DI L'ORI,
Fem'una bedda cantata
Cun tutti quissi tinori
E ci fem'una risata
Fin'a l'intrata d'AJACCIU.

In cumpagnia di PANIGHI,
Guardatu cun'attinzioni,
Malgradu tutti l'intrighi,
Semu stati gran'lioni,
Pigliat'avemu la dicizioni
Di cantav'issa canzona...

Category:

Music

Tags:

• Diana
• di
• l'Alba
• berlina
• foru
• corsu

[castorcorse]

heu c'est canta u populu corsu qui chante sa