GO!AZEN

GO!AZEN musikalaren trailerra!

Jabi Elortegik eta Aitor Arangurenek zuzendu duten film berria.

Aktoreak: Iñigo Azpitarte, Bárbara Rivas, Yerai Vázquez, Yago Mateo, Inma Fernández, Aitor Samuell, Pedro Alfonso Vilas, Zulai Plazola, Mikel Losada eta Ramón Agirre.

Beñat eta Landa lagun banaezinak dira. Lehendabizikoa ikasle ona da eta adiskide hobea. Bigarrenak, ordea, zazpi asignatura suspenditu ditu, eta gurasoek udalekura bidali dute, urte osoan egin ez duena egin dezan udalekuan. Beñat prest dago duen guztia emateko bere lagunaren alde, eta horregatik erabaki du bera ere udalekura joango dela Lanadarekin batera.

Irati neska uzkurra da eta ikasle ona, baina oso ikasturte txarra pasatu du: bere gurasoek banantzea erabaki dute eta neska ez dago bere onenean.
Gurasoek alaba udalekura bidaltzea erabakitzen dute, hori izango delakoan onena neskarentzat. Desire, handinahiko neska pija izan arren bihotz samurrekoa baita, Iratirekin batera joango da udalekura.

Elkar ikusi bezain laster, Beñaten eta Iratiren arteko maitemina bat-batekoa izango da.
Hortik aurrera, udak beste bide bat hartuko du. Baina bien arteko maitasuna ez da beti bide leuna izango. Kanpamenduak oso neurri zorrotzak ditu nesken eta mutilen arteko harremanei dagokienean, eta beren lagunek, gainera, ez dute begiko bien arteko enamoramendua. Hori guztia gutxi balitz, Gorka, mutil mizkin aberats bat, Iratirekin kapritxatu da, eta eginahal guztiak egingo ditu Beñat hondoratzeko.

Aldi berean, udalekuko zuzendari zorrotzak sorpresa handiz eta umore txarrez bizi ditu musikako irakasle berriaren praktika pedagogikoak. Julenek ikasleei irakatsi nahi dienez, musika oso modu desberdinetan bizi daiteke, norberak jartzen duen desioaren baitan dago guztia.

Category:

Film & Animation

Tags:

• goazen
• go!azen
• etb
• eitb
• pausoka
• barton
• films
• musikala