Faustino Zapico | Da-y voz a Asturies

Faustino Zapico Álvarez nació en Mieres del Camín va 38 años. Ye llicenciáu n'Historia y Xeografía pola Universidá d'Uviéu y profesor d'Enseñanza Secundaria d'esa especialidá nel IES Sánchez Lastra de Mieres del Camín. Fizo la so tesis doctoral, un estudiu sobre les corrientes federalistes y autonomistes n'Asturies contemporánea, que ye motivu de conflictu énte la negativa de la Universidá d'Uviéu a tramitar la so matriculación por tar escrita en llingua asturiana. Esto foi l'aniciu d'una batalla llegal que tuvo'l so más reciente episodiu na polémica sentencia del TSXA que-y negaba los derechos llingüísticos a Zapico.

Zapico tamién ye autor dun llibru sobre'l procesu revolucionariu asturianu de mayu de 1808. L'añu pasáu asoleyó "Historia de Sudráfrica: el nacimientu d'una nación" nel que fae un repasu a la historia comtemporanea d'esti país africanu. Tien escrito abondes tribunes de prensa sobre temes históricos y d'actualidá política, sobre too dende les páxines de Les Noticies y La Nueva España.

Militante político dende mui mozu (14 años) na izquierda comunista y activista del movimientu estudiantil y de solidariedá internacional, Faustino Zapico ye ún de los fundadores d'Izquierda Asturiana (IAS), partíu del que foi portavoz de 1998 a 2007 y del que ye Secretariu Xeneral l'otru mes de xineru. Ye tamién militante del sindicatu SUATEA dende 1995 y de la Xunta Pola Defensa de la Llingua Asturiana dende 1999. Ta casáu y vive en Los Nadales (L'Agüeria San Xuan).

Anguaño, Faustino Zapico ye miembru de la Dirección Nacional d'UNA, asina como'l so portavoz.

Category:

News & Politics

Tags:

• una
• 2009
• elecciones
• europees
• europa
• 7xunu
• faustino zapico

[CodeKaos]

esti paisanu ye un grande!