ტეხიში ლექსი- texishi leksi

ლაზონას დიბადეტეს, მჭიმათენ დოშოლერი ზენეფეს
ბოინე გულუტეს ათმაჯა სთერი, ჲეფუთხუტეს თერეფეშა
ეშო-აშო გუიქთეტეს იხი სთერი, ბაზი ბაზი კალაში სთერი
ბაზითი ზიჶოსი სთერი დო ჩქარ ვარ ნაჭიშინეტეს
ბაზითი ჶელუკაფეს გეხედუტეს დო
ჰაიდე ფაშიშა, ოჩამჩირეშა, ანაკლიაშა, გურიაშა, სამეგრელოშა
ოხორის მი დოდგითუტუ, ოხორჯა დო ბერე-ბარის გჲარი უნტესში
აშოთენ მაფხას გუინკალეტეს
ოფუტეფეშენ კოჩეფე, კურბეთიშა იტეს
ლაზონას გალე ორტეს ნა, ზათი ლაზონათენ სქიდუტეს
ისიმადეფტეს, იზმონტეს დო გულუტეს ირიმთელი
ქიანაშან ქიანაშა გულუტეს დო
ვარ დვანჭკინდეტეს, პანტა იჩალიშეფტეს
ლაზონა, ლეტა ოზმონუფეშ დოლოხე ნა იშინახენ.
Lazonas dibadet'es, mç'imaten doşoleri zenepes
Boine gulut'es atmaca steri, yeputxut'es terepeşa
Eşo-aşo guiktet'es ixi steri, bazi bazi k'alaşi steri
Baziti zifosi steri do çkar var naç'işinet'es
Baziti feluk'apes gexedut'es do
Haide Paşişa, Oçamçireşa, Anak'liaşa, Guriaşa, Samegreloşa
Oxoris mi dodgitut'u, oxorca do bere-baris gyari unt'esşi
Aşoten mapxas guink'alet'es
Oput'epeşen k'oçepe, k'urbetişa it'es
Lazonas gale ort'es na, zati Lazonaten skidut'es
İsimadept'es, izmont'es do gulut'es irimteli
Kianaşan kianaşa gulut'es do
Var dvanç'k'indet'es, p'ant'a içalişept'es
Lazona, let'a ozmonupeş doloxe na işinaxen.

Category:

Music

Tags:

• lazuri
• nena
• lazi
• megreli
• margali
• margaluri
• nina
• blacksea
• georgia