Xacarandaina en Alalá. Parte 1

O grupo Xacarandaina (www.xacarandaina.com)ten novo espectáculo e isto é para os amantes da música e do baile tradicionais unha gran noticia, xa que se trata dun dos históricos do folclore galego, que leva case trinta anos a recoller aplausos pola súa perfección no escenario e pola fidelidade coa que interpreta as cancións e as coreografías que recolle directamente dos maiores nas aldeas. Neste "Alalá" comprobarase e asistirase a este espectáculo chamado "Prestixio", baseado na enorme riqueza en música e tradicións da Costa da Morte.
Se algo caracteriza á Asociación Xuvenil Xacarandaina é que dentro dos seus dous mil socios hai familias enteiras, desde os avós ata os netos. No programa coñecerase a unha destas familias, en que os pais comezaron a asistir a clases de baile hai pouco, despois de ver o ben que o pasaban os fillos, e fartos de agardar por eles cando os levaban aos ensaios ou a actuar desde que os nenos tiñan catro anos ata agora que están preto dos vinte.

Ademais da sona do grupo de baile, a asociación é moi coñecida tamén polo Círculo de Actividades de Tempo Libre, xa que dos cursos que organiza sae a canteira dos bailadores e músicos que compoñen o grupo; pero a oferta de actividades ten para todos os gustos, desde clases de reciclaxe para cativos ás de pintura ao óleo, ximnasia ou bailes de salón, e os alumnos van dos tres anos aos setenta. Sen perder de vista o obxectivo co que naceu Xacarandaina: pasalo ben e divulgar o folclore galego moito máis alá das nosas fronteiras.

Category:

People & Blogs

Tags:

• Xacarandaina
• Alala
• TVG
• folk
• tradicional
• Galicia
• Musica
• Baile
• Coruña
• Corunna
• Espectaculo
• Prestixio

[ganesh1]

Muito boa a apresentação do folclore galego-português!

[Fandinho]

graciñas!

[jailender2008]

Galego. Non portugues. Galego. Hai similitudes, mais son duas cousas distintas. Os galegos non pretenden bailar nin baile minhota nin cantar fado. Xotas, Pasarruas, Muiñeiras e Ruadas. Isto non é Portugal. Galicia. Ou porque tocamola Gaita xa somos escoceses?? O merito nesta "apresentação" é para o Galego, non para o Portugues.