قصيدة: ( لاتيأَسَن ياحَسَن ) للشاعر العراقي: موفق محمد

الشاعر العراقي موفق محمد
والمخرج ماجد جابر

Poet from Iraq
Mwafaq Mohammad
&
Filmmaker Majed Jaber

قصيدة : لاتيأَسَن ياحَسَن
للشلعر العراقي : موفق محمد

لاتَيأسَن يا حَسَن أِشما يدور الزَمَن
وتعيث بينَه المِحَن
لا تَيأسَن يا حَسَن
كُل ماسَة واِلهَ مِسَنْ
لاتيأسَن يا حَسَن
البينَه لو بالصَخَر صاح آخ مِن القَهَر
الﮕلب ﮔصه الطُبر وبِنياطَه خاط الﭼفن
زرنيخ صار العمر
نﮔعد ﮔبر يَم ﮔبر
مِالضيم نِحسِد جَبُر
من طاح حَصَل عَفَن
لاتيأسَن يا حَسَن
هيجي بتوالي العُمُر شَدنَه بتيبليَه الفﮔر
ويشلبَه يلﮔط صَبُر ويارَيت ينزِل حِرَن
لاتيأسَن ياحَسَن
ما صارَت ولا جِرَت يا رَيت عيني عِمَت
ما أنصُفت من صُفَت أندَوِر خُبِز باليَمَن
لا تيأسَن يا حَسَن
لاكَهرَباء ودوى
ولاماي يطفي الجَوى
لو يﮔدر علا الهوى
جا ماتِحَصلَه بثَمَن
لا تيأسَن يا حَسَن

Category:

Entertainment

Tags:

• Poet
• Iraq
• Arabic
• شعر
• العراق
• الحلة
• لاتيأسن
• ياحسن
• موفق
• محمد

[safaatkd]

ناقصنه ضيم و قهر يا خوي؟

و الله تبجي هاي القصيدة

[iraqdubai]

الف رحمه على روح ابنك المظلوم الطفل الذي اغتالته يد الاثم البعثي سنة 91 ووجدته يلتحف تراب احد مقابر المحاويل الجماعيه

[fatimahsn1]

حلو جداً ، لا تيأسن ياحسن .

[meras071]

وللان تصلح كل ابيات قصدتك كمرأة لواقعنا المر

احيك ايها الشاعر النبيل

[MrKingiraq]

الف رحمة على والديك علة هذة القصيدة

[awwwwwab]

ااااايييييه والله صدك

لو يگدر إعله الهوى چا ماتحصله بثمن

[fayinar]

لا تياسن يا رائع...ياشاعر الحلة

[soulsoulDel]

انت اصتورة في كل المقايس اتمنالك العيش 900 سنة مثل سيدنا نوح ع السلام )(سرباز)

[soulsoulDel]

الف رحمه على روح امواتك ياموفق محمد

[Jame3a]

He´s telling the truth !