Útvarps galdrar í beinni í Morgunútvarpi Rásar 2

Stjórnendur Morgunútvarpins urðu algjörlega orðlausir þegar töframaðurinn Ingó Geirdal bað hlustendur um að hugsa sér spil. Sólveig, Helga og Guðrún náðu sambandi og Ingó bað sólveigu að velja lit, Helgu tegund og svo hringdi Guðrún og sagðist halda að þetta væri laufakóngur. Ingó gerði sér lítið fyrir og dró upp úr vasa sínum og sömuleiðis spilastokum sjálfan laufakónginn rækilega merktan!

Ingó er líklega reyndasti atvinnutöframaður landsins, en hann hefur m.a. verið fastráðinn á skemmtiferðaskipum í Evrópu og komið fram á fjölmörgum skemmtunum og í sjónvarpsþáttum í Evrópu, Bandaríkjunum og Japan. Hann byrjaði 10 ára gamall að æfa töframbrögð og var lærisveinn Baldurs Brjánssonar. Ingó hefur stundað töframbrögðin samfleytt síðan þá og segist enn æfa nokkrar klukkustundir á hverjum degi. Helst fyrir framan sjónvarpið. Hann segist ekki vera skyggn en töfrabrögðin felist í því að blekka skilningarvitin.




Að vísu var Doddi fulllengi að rífa upp símann og mynda drenginn en hér má sjá lokin þegar hann finnur rétta spilið sem hlustandinn valdi.

Category:

Entertainment

Tags:

• Ingó Töframaður
• Morgunútvarpið
• Rás 2