Projekti i USAID-it për Riciklimin e Plastikes filloi në vitin 2005.
Njëri nga qëllimet kryesore të këtij projekti ishte krijimi i një sistemi të qëndrueshëm për mbledhjen, ndarjen dhe riciklimin e mbeturinave plastike.
Viteve të fundit deponitë e egra dhe plastika e hedhur ishin një realitet i hidhur në kryeqytetin e Maqedonisë, mbeturina gjendeshin në rrugët kryesore, por edhe në vendet turistike. Kjo situatë dëshpëruese mund të rregullohej vetëm me kontribut maksimal të pushtetit lokal, ndërmarrjeve publike komunale, popullatës, OJQ-ve dhe kompanive.
Përmes programit të granteve në 24 komuna u vendosen kontejnerë për mbledhjen e mbeturinave plastike PET. Komunat investuan duke siguruar vende për vendosjen e kontejnerëve të quajtur Ishuj ekologjikë, si dhe përmes promovimit të programit.
8 kompani fituan grante për fillimin e biznesit: furnizim me pajisje të reja dhe veshje mbrojtëse për mbledhjen, përzgjedhjen dhe riciklimin e mbeturinave plastike PET. Si rezultat i kësaj u krijuan mijëra vende të reja pune.
Fushatat publike të realizuara nën moton Mblidhni PET për një botë më të mire ishin elementi kryesor për promovimin e riciklimit.
Për të prekur në vetëdijen e gjeneratave më të reja, USAID-i siguroi mjete për krijimin e 14 klubeve për riciklim në shkollat fillore të inkuadruara në Projekt. Nxënësit morën pjesë në aksionet e pastrimit publik nëpër komuna, duke u shpërndarë fqinjëve të tyre qese për mbeturinat plastike dhe kështu zbuluan mënyra kreative për promovimin e dobive nga riciklimi.
Gjatë viteve 2008 dhe 2009, Projekti i USAID-it për Riciklimin e plastikës në sheshin Maqedonia e organizoi Ditën Ndërkombëtare e të planetit Tokë. Kjo u realizua në bashkëpunim me Ministrinë e Mjedisit Jetësor, Qytetit të Shkupit dhe Ndërmarrjes Komunale Publike Komunallna higiena. Në këtë ngjarje morën pjesë shumë nxënës të shkollave fillore nga gjithë Maqedonia. Prania e ambasadorit të SHBA-ve, e ministrit të Mjedisit Jetësor dhe Kryetarit të Qytetit të Shkupit e konfirmoi edhe një herë mbështetjen e tyre të fuqishme për programin për riciklim. Të dyja ngjarjet u shënuan me aktivitete pastrimi, me art figurativ dhe poezi, me shfaqje teatrale të gjitha këto në lidhje me temat që kanë të bëjnë me ambientin jetësor. Këtu morën pjesë edhe këngëtarë dhe argëtues të njohur.
Gjate sezonit veror në vitin 2008, Projekti organizoi një fushate të quajtur Të gjithë së bashku për një Ohër më të pastër. Në aktivitetet dyjavore OJQ-të partnere të Projektit organizuan pastrim të vendeve më kritike të këtij destinacioni turistik. Vullnetarët shpërndanin fletushka nëpër qytete dhe nëpër plazhe, ndërsa fëmijët e shkollave fillore e promovonin riciklimin e shisheve PET duke i ngjyrosur kontejnerët.
Përmes projekteve te USAI-dit populli amerikane ka investuar 1.3 milion dollarë për Projektit e Riciklimit të Plastikes.
Sot, pas disa viteve, ndikimi i Projektit është i dukshëm:
- Sasitë e mbledhura të mbeturinave PET u rritën dukshëm, nga 350 tonelata në vitin 2005 ne 6000 tonelata në vitin 2008.
- Mbi 5000 njerëz e sigurojnë ekzistencën e tyre nga industria e riciklimit
- 10 kompani janë në proces të marrjes së lejeve që janë në pajtim me ligjësinë nacionale për mjedis jetësor
- Industria e riciklimit është bazuar në biznes të qëndrueshëm i cili është i harmonizuar me standardet e BE-së.
- OJQ-të lokale kane ndihmuar në ngritjen e vetëdijes publike për mbrojtjen e ambientit jetësor (30)
- Më 21 mars të vitit 2008 Ministria e Mjedisit Jetësor dhe Planifikimit Hapësinor e shpalli Projektin e USAID-it për Riciklimin e Plastikes si projekt të vitit në kategorinë Ballafaqimi me mbeturinat.
Loading...
3:02Riciklimi burim te ardhurash dhe nxitje shpikjeshby zeriamerikes702 views
Link to this comment:
All Comments (0)