Catulo ad Lesbiam by Laura

Poems: Cayo Valerio Catulo
Song: Katayoku no Tori ('Umineko no Naku koro ni' opening theme)
Artist: Akiko Shikata

Poems:

***LXXV. ad Lesbiam

HVC est mens deducta tua mea, Lesbia, culpa
atque ita se officio perdidit ipsa suo,
ut iam nec bene uelle queat tibi, si optima fias,
nec desistere amare, omnia si facias.

***XCII. ad Lesbia

LESBIA mi dicit semper male nec tacet umquam de me: Lesbia me dispeream nisi amat.
quo signo? quia sunt totidem mea: deprecor illam assidue, uerum dispeream nisi amo.

***LXXXV.

ODI et amo. quare id faciam, fortasse requiris. nescio, sed fieri sentio et excrucior.

***V. ad Lesbiam

VIVAMUS mea Lesbia, atque amemus,
rumoresque senum seueriorum
omnes unius aestimemus assis!
soles occidere et redire possunt:
nobis cum semel occidit breuis lux,
nox est perpetua una dormienda.
da mi basia mille, deinde centum,
dein mille altera, dein secunda centum,
deinde usque altera mille, deinde centum.
dein, cum milia multa fecerimus,
conturbabimus illa, ne sciamus,
aut ne quis malus inuidere possit,
cum tantum sciat esse basiorum.

Category:

Entertainment

Tags:

• Catulo
• Umineko