28. Jakob Moneta - Wolf Biermann

WOLF BIERMANN

Mi estis en (orienta) Berlino ĉe iu el tiuj grandaj junular-rekontiĝoj. Tio estis imponega por mi. Multaj homoj ĉeestis. Mi sciis, ke Biermann estis tie, kaj ĉe li estis Dutschke. Kaj mi aliris ilin dirante: „Mi estas la ĉefredaktoro de ‚METALL'." Biermann ludis kelkajn el siaj kantoj, ni estis en lia loĝejeto. Tio tre imponis al mi. Mi sciis, ke li havis problemojn tie kun la burokratio. Do, ni provis venigi lin ĉi tien, kiam en Hispanio 4 homoj estis kondamnitaj al morto per la garoto. Do, ni okazigis eventon en Offenbach. Tie estis cirkaŭ 1000 homoj. Ni volis alvenigi Biermann tien. Lia patro ja estis kondamnita al pundomo, poste gasumita en Aŭŝvico, ĵus ĉar li siatempe helpis al la batalantoj en Hispanio. Biermann verkis poemojn kaj kantojn pri tio. Ni volis venigi lin ĉi tien, sed la ŝtato GDR ne permesis al li. Tial unu el la verduloj veturis al orienta Berlino kaj revenis kun liaj sonkasedoj. Tiujn ni ludigis en Offenbach, en tiu grandega halo. Pli ol mil homoj ĉeestis. Kaj tio lasis grandan impreson. Post tio mi ekhavis la ideon kaj diris al Georg Benz: „Nia junularo ja ĉiu-jare organizas junul-monaton, ĉiam novembre. Ni klopodu, venigi Biermann por tio." La patro de Biermann kun amiko siatempe klopodis saboti ŝipojn, kiuj liveru armilojn al la faŝistoj en Hispanio. Sed ili estis kaptitaj. Inter la kunlaborantoj estis perfidulo, ambaŭ amikoj estis arestitaj kaj metitaj en koncentrejon. Kaj la patro de Biermann, ĉar judo, estis gasumita. La amiko post certa tempo estis malarestita. Sed dume ties filino (Margot) estis edukita kune kun Biermann de Emma Biermann. Ĉar ŝia patro ja estis arestita. Kaj la filino Margot poste fariĝis la edzino de Erich Honecker (kaj ministrino pri edukado). Ŝi ĉiam sciis ekzakte pri Biermann, ankaŭ aŭskultis liajn kantojn. Tion mi siatempe ne sciis. Kiam Biermann demandis ŝin: „Ĉu mi povas reveni, se IG Metall invitas min?" Ŝi respondis: „Tute klare, vi rajtas reveni." Biermann venis, mi disponigis mian aŭton kun ŝoforo al li. Li kantis en pluraj urboj, ĉie kun granda sukceso. Kaj tiam okazis la afero en Kolonjo. En Kolonjo ĉeestis 2 mil homoj. La televido planis unu horon por la elsendado, sed la homoj tiom entuziasmiĝis. Li tiom entuziasmigis ilin. Daŭris ĝis la 2-a matene. Faris tioman impreson, ke en GDR ili diris: „Tiel ni ne provokiĝu!" Kaj ili neniigis lian civitanecon. Tiel okazis lia malcivitanigo, kaj li eksciis pri tio ĉe ni. Invitinto estis Georg Benz kiel junulara reprezentanto por la novembra junulara monato de IG Metall. Ni ja planis koncertojn por li ĉie, kaj tiel propagandi, ke la junuloj aliĝu al IG Metall. Veninte al Okcident-Germanio li estis loĝigata ĉe mi, ĉar li jam konis min. Sed subite kelkaj sindikatestroj rimarkis, ke Biermann estas komunisto. Tiam mi ricevis batojn. Okazis estrarkunsido pri tio. Kaj Georg Benz kaj mi ricevis riproĉojn, kial do ni invitu komuniston. Tio okazis sub Loderer. Franz Steinkühler tiam defendis nin. Sed ĉiuj aliaj klare konstatis, ke ili ne volas kontakton al ‚komunisto' Biermann. Spite al la fakto, ke Biermann faris multe por la sindikato per siaj novembraj koncertoj.

Category:

People & Blogs

Tags:

• esperanto
• SAT