LEONARD COHEN-PIRRO CAKO in ARDI OMERI poezi ..

NËN SHI LOTËSH E YJESH DHURUAR...

Gjakun fort ndjeja të më lëvizte,
Puthjen e munguar tek kërkon...
Thirrja e shpirtit më çoi mes yjesh
Larg, në të harruarin kostelacion...!

Valsin e ëndrrave tek kërceja
Me dritën e Hënës dhe retë si kurorë
Imazhin tënd për beli tek mbërtheja
Përshpërisja me frikë këngën tonë....

Mallkimin e zotit tënd kisha frikë
Ndërsa rrëmbeja dashurinë e tjetër kujt
Kisha me vete bekimin e dashurisë time
Dhe trembja djajt dhe zotat e gjithkujt

Ngula me dhimbje thonjtë errësirës
çava me zjarr shpirti të madhin Qiell
Piva me epsh të pangopur helmin tënd
Vdiqa mes hiresh djallëzore të dhëna me zell...

Ti çnderove me mallkim dy dashuri
Nën shi lotësh e yjesh dhuruar...
Helmove në ikje shpirtin tim
Ike, në ferr-parajsën premtuar...

Qau me mua Zoti dhe Djalli
Vdiq në krijim këngë e ndjerë
Vdiq i helmuar shpirti bukur
Qau me dënesë-rrufeje qielli i tërë


©Ardi OMERI

Category:

Music

Tags:

• NËN
• SHI
• LOTËSH
• E
• YJESH
• DHURUAR