Aiwisruthrem Gah Prayer (sunset to 12:40 AM) sunset to midnight, Start the master sequence above. when your health allowes it. This Parayers are not a must but good for your charma.
1.
xshnaothra ahurahe mazdå,
ashem vohû...(3).
fravarâne mazdayasnô zarathushtrish vîdaêvô ahura-tkaêshô,
aiwisrûthrimâi aibigayâi ashaone ashahe rathwe ýasnâica vahmâica xshnaothrâica frasastayaêca,
frâdat-vîspãm-hujyâitêe zarathushtrôtemâica ashaone ashahe rathwe ýasnâica vahmâica xshnaothrâicâ frasastayaêca,
2.
ashâunãm fravashinãm khenãnãmca vîrô-vãthwanãm ýâiryayåsca hushitôish amaheca hutâshtahe huraodhahe verethrakhnaheca ahuradhâtahe vanaiñtyåsca uparatâtô xshnaothra ýasnâica vahmâica xshnaothrâica frasastayaêca.
ýathâ ahû vairyô, zaotâ frâ mê mrûtê
athâ ratush ashâtcît haca, frâ ashava vîdhvå mraotû.
3.
ahurem mazdãm ashavanem ashahe ratûm ýazamaide, zarathushtrem ashavanem ashahe ratûm ýazamaide, zarathushtrahe ashaonô fravashîm ýazamaide, ameshê speñtê ashaonãm ýazamaide.
4.
ashâunãm vanguhîsh sûrå speñtå fravashayô ýazamaide astvatô manahyâca, apanôtemem rathwãm ýazamaide ýaêtushtemem ýazatanãm hanghanushtemem ashahe rathwãm aiwinasãstemem jakhmûshtemãm ashaonô ashahe rathwô ratufritîm ýazamaide!
5.
aiwisrûthrimem ashavanem ashahe ratûm ýazamaide, aibigâim ashavanem ashahe ratûm ýazamaide, thwãm âtrem ahurahe mazdå puthrem ashavanem ashahe ratûm ýazamaide, asmana hâvana ashahe ratavô ýazamaide, ayanghaêna hâvana ashahe ratavô ýazamaide, hadha-zaothrem hadha-aiwyånghanem imat baresma ashaya frastaretem ashavanem ashahe ratûm ýazamaide, âpe urvare ýazamaide, aourvatãm urune ashavanem ashahe ratûm ýazamaide.
6.
frâdat-vîspãm-hujyâitîm ashavanem ashahe ratûm ýazamaide, zarathushtrem ashavanem ashahe ratûm ýazamaide, mãthrem speñtem ashavanem ashahe ratûm ýazamaide, gêush urvânem ashavanem ashahe ratûm ýazamaide, zarathushtrôtememca ashavanem ashahe ratûm ýazamaide, zarathushtrem ashavanem ashahe ratûm ýazamaide.
7.
âthravanem ashavanem ashahe ratûm ýazamaide, rathaêshtârem ashavanem ashahe ratûm ýazamaide, vâstrîm fshuyañtem ashavanem ashahe ratûm ýazamaide, nmânahe nmânô-paitîm ashavanem ashahe ratûm ýazamaide, vîsô vîspaitîm ashavanem ashahe ratûm ýazamaide, zañtêush zañtupaitîm ashavanem ashahe ratûm ýazamaide, dainghêush dainghupaitîm ashavanem ashahe ratûm ýazamaide.
8.
ývânem humananghem hvacanghem hushyaothnem hudaênem ashavanem ashahe ratûm ýazamaide, ývânem uxdhô-vacanghem ashavanem ashahe ratûm ýazamaide, hvaêtvadathem ashavanem ashahe ratûm ýazamaide, dainghâurvaêsem ashavanem ashahe ratûm ýazamaide, humâim pairijathnem ashavanem ashahe ratûm ýazamaide, nmânahe nmânô-pathnîm ashavanem ashahe ratûm ýazamaide.
9.
nâirikãmca ashavanîm ýazamaide, frâyô-humatãm frâyô-hûxtãm frâyô-hvarshtãm hush-hãm-sâstãm ratuxshathrãm ashaonîm ýam ârmaitîm speñtãm ýåsca-tê khnå ahura mazda, naremca ashavanem ýazamaide, frâyô-humatem frâyô-hûxtem frâyô- hvarshtem vîstô-fraoreitîm evistô-kayadhem ýenghe shyaothnâish gaêthå asha frâdañte, zarathushtôtemahe rathwô ýasnâica vahmâica zarathushtrôtememca ashavanem ashahe ratûm ýazamaide.
10.
ashâunãm vanguhîsh sûrå speñtå fravashayô ýazamaide, khnåsca vîrô-vãthwå ýazamaide, ýâiryãmca hushitîm ýazamaide, amemca hutashtem huraodhem ýazamaide, verethrakhnemca ahuradhâtem ýazamaide, vanaiñtîmca uparatâtem ýazamaide!
11.
thwãm âtrem ahurahe mazdå puthrem ashavanem ashahe ratûm ýazamaide, hadha-zaothrem hadha-aiwyånghanem imat baresma ashaya frastaretem ashavanem ashahe ratûm ýazamaide. apãm naptârem ýazamaide, nairîm sanghem ýazamaide, taxmem dâmôish upamanem ýazatem ýazamaide, iristanãm urvãnô ýazamaide, ýå ashaonãm fravashayô,
12.
ratûm berezañtem ýazamaide, ýim ahurem mazdãm ýô ashahe apanôtemô ýô ashahe jakhmûshtemô, vîspa sravå zarathushtri ýazamaide, vîspaca hvarshta shyaothna ýazamaide varshtaca vareshyamnaca.
ýenghê hâtãm âat ýesne paitî vanghô mazdå ahurô vaêthâ ashât hacâ ýånghãmcâ tãscâ tåscâ ýazamaide.
13.
ýathâ ahû vairyô...(2).
ýasnemca vahmemca aojasca zavareca afrînâmi ashâunãm fravashinãm khenãnãmca vîrô-vãthwanãm ýâiryayåsca hushitôish amaheca hutâshtahe huraodhahe verethrakhnaheca ahuradhâtahe vanaiñtyåsca uparatâtô.
ashem vohû....
ahmâi raêshca ... hazangrem ... jasa-mê ... (kerba mazhd...) atha jamyât ýatha âfrînâmi.
ashem vohû...!!
Loading...
8:09
ýathâ ahû vairyô (Ahunavar) , the most sacred manthra of Zoroastrianismby HAMAZOURI552 views
Link to this comment:
All Comments (0)