Kelong: Die kleine Bänd (vun d'r Huhe Stroß)

Hommage an die "Black and White Skiffle Group": Ich sinn se noch
die kleine Bänd
spelle op d'r Huhe Stroß,
Se spellte do ov stundelang.
Ich dät wünsche,
se musizeete noch.

Et Blösje zuppte am Skiffle-Bass
met Aki
die eine Sigg.
Däm Heiner sing Jitta
hatt ne Fellbesatz,
die sollt halde för iewige Zick.

Refrain
Op einmol wor et dann vürbei,
Denn nix bliev wie et es.
Ävver die Musik vun d'r kleinen Bänd
ich Johr för Johr mieh vermess.


Dat Banjo vum Pitter
jov d'r Marschtack aan,
hä schlog sing Wirvel su doll.
Met Klang und Sang
troke se durch de Stadt,
ovschüns d'r Sänger
allt heiser wor.

Et Arnöldche si Wäschbrett schruppt',
De Bänd hä
em Rhythmus heeldt.
Et Ännche jing de Rund
met d'r Sammeldos,
de Lück han nit winnich spendeet.

Refrain

Vun d'r Huh Stroß
jing et en de Schilderjass
udder nohm Vörplatz vum Haupbahnhoff.
Wieverfastelovend
spillte se o'm Rudolfplatz,
Do jov et Bützjer und Leckereie jenoch.

Se spillte em Star-Club
och en d'r "Endstation"
Ehr Jitarre laut und klor.
Die Junge und Nüttcher
han applaudeet,
Ovschüns die Nas allt widder heiser wor.

Refrain

Die Mädcher laachte uns sillich aan,
ehr Äujelcher bletzte vör Loss.
Se heeldte e Plätzche wärm för de Naach,
un et hät uns och nix jekoss.

Et es alles su lang her,
Et es allt nit mih wohr.
Mer stundte an d'r Potz nohm Paradies,
Un han et nit jewoß.

(Capps / Kelong)

Category:

Music

Tags:

• Kölsch
• Lied
• Song
• Cologne
• Dialekt
• Straßensänger
• busker
• Skiffle