Mestura, Agua del Norte

Agua del Norte (lletra)

Quien va a venir hasta la fonte,
quién va llevar l'agua del norte
onde pisaron xanes de lluz
rises de lluna
flor de xabú.
Quién va cantar a l'alborada
ente la tierra verde y moyada
con un dulzor de pumarada,
besos d'orbayu
voces d'añada.
Quién va facer pela mañana
foles de plata cola xelada
pa regala-yles toes al mar
y a les sirenes
blancu coral.
Quién va pensar nos que marcharon,
quién va guardar lo que dexaron
nos corazones de mineral
tierra, promeses, suaños de sal.

Category:

Music

Tags:

• mestura
• luis
• marisa
• agua
• norte
• asturias
• asturiano
• folk