El nòmm de Milàn - Walter Di Gemma

Brano di Walter Di Gemma tratto dall'album "Edizione Forzata" (1996). Il testo narra le varie leggende intorno all'origine del nome della città di Milano.

Importante: Le foto del video sono state estratte dalla rete. Qualora una o più foto presenti dovessero violare il copyright, vi preghiamo di avvisarci e provvederemo a toglierle.

El nòmm de Milàn
di Walter Di Gemma

In on temp che la memòria la fadiga a ricordà,
gh'è pussee d'ona leggenda che riguarda ona città.
Tutti sann che in la pianura l'è nassuda pòcch a pòcch
grazie a pòpoli diversi che l'hann costruida a D.O.C.

Umbri,veneti pòi liguri ed etruschi s'hinn fermaa
ma poeu i galli, detti celti, in on minut j hann sbarazzaa!
Tito Livio , grande storico, l'ha dii che poeu hinn staa lor
a fondà Milàn per primi con pazienza e con calor.

Rit: Tutti sann come l'è fada ; gh'è la Scala e poeu gh'è'l Dòmm
pòchi sann però com'è che l'hann ciamada col sò nòmm !

L'è curiosa la leggenda de du galli capitàn
che d'accòrd hann deciduu de battezzalla coi sò man;
vun el se ciamava Medo, l'altro Olano e l'è staa inscì
che nel mètt insèmma i nòmm el Medo-Olano hann stabilii !

Gh'è chi dis:"l'è minga vera, l'è invenzion de giargianes...
chi bisògna che la stòria la sia ciara ai milanes,
perchè intorna a la vicenda de leggend ghe n'è che crèss,
anca voeuna spiritosa che ve cunti pròpi adèss "

Rit:

Dòpo Cristo, quarto secolo, de dubbi ghe n'è nò;
tutta colpa d'ona bestia mezza lana e mezza nò
che in la fertile pianura la viveva a chi temp là;
media-lana, medio-lanum, el gioghett l'è bell e faa !

La sarà anca fantasiosa ma l'è bella de morì
me dispiass domà pensà che l'è per nient andada inscì,
anca se in la via mercanti, sul palazz de la region,
in rilev gh'è su ona bestia mezza biòtta col majon !

Rit:

I tedeschi gran filòsofi, parsimonios e sagg,
hann dii che Milan voeur dì semplicement "paes de magg".
L'è sta quell el mes precis de quand i Galli s'hinn faa grand,
la conferma l'è nel fatto che in tedesch se dis"mai-Land"

...Ma la stòria pussee vera che interessa i meneghìn
l'è sconduda nei paròll che vègnn foeura dal latin;
medio-lano "medio" ( celtico ) e poeu "planus" detto "lan"
che voeur dì" paes in mezz a la pianura", senza ingann!

Tutti sann come l'è fada; gh'è la Scala e poeu gh'è'l Dòmm
le sann tucc adess com'è che l'hann ciamada col sò nòmm;
dal latino Mediolanum e Milano in italian
ma in dialett i milanes el ciamarann semper "Milàn" !!!!

Category:

Entertainment

Tags:

• canzoni
• milanesi
• Milano
• meneghino
• storia
• canzone
• cabaret
• Milàn
• nòmm