Poesia dla liberazion (o: Copi tuti!) - Ferrara - Dialetto Ferrarese

Poesia dla liberazion (o: Copi tuti!)

Par esorcizar la rabia ad quei chi manda sempar in zò
ho scrit sta poesia prima chi sincaza dabon.
A star sempar zit e inrabiras pian pian
capitarà un dì daver voia damnar il man
elora par smurzar la cativeria e cuntinuar na vita serena
rezita stil parol prima cat casca la cadena:
Quand a tiè lì lì par indurmanzarat taca al baiament
sal padron an dis gnent, ti lasa lì ad mular di azident
as sa che al can cal baia an mord brisa mo al romp il ball
va zò con baston e careza la bestiola: Copa al can!!!
Al micio cardend cla sia la so latrina
at salta sul cofan dla machina e al mola na pisadina
la prosima volta avsinat pian pian par farag un cumpliment
po piciag tra copa e col a climprudent: Copa al gat!!!
Magari admatina at tachi a zinc or a lavurar
fora di student i fa dla camora: i vol finir sul giurnal!
ti, lasa lì ad vultar galon in tal to let, vivi la zità
tò al to baston e va zò a festegiar: Copa al casinar sota cà!!!
Al stadi al tifos al grida rigor, par ti invezi al sè butà
lu linsist: rigor! ti no: butà! rigor! butà! rigor! butà!
sgonda mi a ghè un sistema par aver giusta rason
sfila a la bandiera al baston e dagal in sal zucon: Copa lultrà!!!
Al nono al fa i trenta col so macinin
lha fat na coa da Frara infin a San Martin
pena tal surpasi al vigil nascost chissà doa at ferma par cuntestar
dusent euro ad multa, zinc punt: Quel da dichiarar?
Sìchi va pian va san e luntanmo brisa con mi!
Va adrè al nono e ai so dì metag fin: Copa al nono!!!
Po torna da la pulizia municipal
e strazag su la faza al verbal: Copa al vigil urban!!!
At lavori nov or al dì: fa quest, fa quel, brisa star in su a guardar
al padron as sà, lè mai cuntent, al pensa cat staghi man in man
mo inquò invezi dagla ti la paga, du bei suldin mis ben
un in su nocch e laltar in sun dent: Copa al padron!!!
La lista lè incora lunga, trascura la spiegazion
va al cuor di quei, pasa a lazion:
Copa la muier!!!
Copa al furab!!!
Copa al pret!!!
Copa al sindac!!!
Copa al vandal!!!
Copa dio e tuti i sant dal ziel!!!
Tuta stà strag tavrà stufà! Tat sentirà a la fin un straz!
Però lè sempar mei che costruiras na cà ad giazz!

Bek

Category:

Entertainment

Tags:

• poesia
• liberatoria
• bek
• pentauro
• ferrara
• ferrarese

[dennina78]

bravissimo