Bagyong Egay sa Naic

Sa halos dalawang linggo ng sunud-sunod na pag-uulan, mula nang pumasok ang bagyong Chedeng, Dodong, at ngayon ay Egay sa bansa, naranasan din ng Naic ang mga malalakas na pagbuhos ng ulan.

Ang mga pag-uulan ay nagdulot ng pagbabaha at pagtaas ng tubig sa iba't ibang bahagi ng Naic: mula sa umapaw na mga kanal, tubigan at sapa. Ang mga ganitong tagpo ay ilan lamang sa nagpapaantala sa galaw ng mga mamamayan kung malalakas ang ulan, sanhi upang kanselahin ang mga klase sa mga eskwelahan maging sa mga opisina.

Ngayong araw, Biyernes (Agosto 17), gaya ng iniulat sa mga balita sa radyo at telebisyon ay nararanasan sa Cavite ang ulang dala ng bagyong Egay. Halos maghapon nang hindi humihinto ang ulan, sanhi upang manumbalik ang mga problemang dulot kung ganito ang sitwasyon.

Sa video ay makikita ang ilang batang naglalaro at naliligo sa ulanan mula sa Baranggay Kanluran. Kuha ang video bandang ika-1 ng hapon. Kitang-kita sa video ang pagbabaha partikular sa krosing ng Kalye Pelaez at Mabini. Naiipon ang tubig mula pa sa Kalye Rizal at poblasyon, sanhi upang lumakas ang agos at tumaas ang tubig sa bahaging ito ng nasabing baranggay.

Nakuhanan din ng NAIC ONLINE ang isang traysikel na napilitang huminto nang makalas ang kadena ng motor, at ang isang napilitang bumalik pa-poblasyon bunga ng hindi makayang agos at taas ng baha.

Bagaman walang pinanghahawakan pa, pinangangambahan ng NAIC ONLINE ang pagtaas din ng tubig sa ilang lugar sa bahaging kostal, Sapa, at ilan pang baryo ng Naic.

Sa mga nakalipas na araw, ang mga pagbabaha sa kabayanan ay agad din namang humuhupa sa pagtigil ng ulan. Gayunman, matinding kaabalahan at perwisyo ang naidudulot nito sa tuwing nasa kasagsagan ng ulan.

Sa detalye nito at sa iba pang kaugnay, visit http://naic.multiply.com (NAIC ONLINE).

Category:

People & Blogs

Tags:

• bagyo
• egay
• naic
• cavite
• baha
• ligo
• ulan
• tricycle
• bike
• bata
• ilat
• typhoon
• flood
• children
• bath

[daiszzz0824]

saan to?

[naiccavite]

pelaez, kanluran

[danyell95]

ey...mah mom lived on that street. ya know that one green house. in not lying...for sure.

[naiccavite]

there are two green houses pala... the garcias' or ther ners'?

[danyell95]

the ners'

[naiccavite]

i see... :)

[rhambo25]

taga munting mapino ako.... pero d2 na ko sa paranaque ngyn.. cno gurls d2 pm mo ko....

[preetykat30]

oh my god..d q nasaksihan nyan la na kc ako jan...

[mistyodj]

sarap maligo naman dyan.. hehehe

[naiccavite]

really? the garcias?