Timsirin n Teqbaylit(tasuqqilt)01 Tasfift tis°2

Yewwi-d ad iniγ, di tazwara belli nekk d mmi-s n tminigt. Baba yewweḍ-d γer fransa deg useggas n 1947, di tikelt tamenzut seg yiwet n taddart tamecṭuḥt seg Usammar n Lzayer. Izger illil, i wakken ad yas γer yiwet n temdint, tamdint n Lyon, (wo ich geboren bin), s Talmant, anda id luleγ,ayagi i temsuqelt....Taḍsa n imsebliden. Deg tikti inu, tamdint d nettat i d sebba n ujiḥi n baba. Deg tikti inu, tamdint d nettat i d sebba n uγewwer adelsan n imawlan-iw. Tamdint, di tikti-w d tadrimt, acku di temdint llant tkebbaniyin, di tkebbaniyin tella twuri, yernu tawuri d tadrimt.
50 iseggasen aya, asmi i yejja baba taddart-is, yejja-tt i wakken ad yeddu γer tedrimt, γer tkebbaniyin, γer temdint. Ha-ta wayen i d tikti inu γef temdint, d taγawsa i yellan d sebba n akken n tuksa n waẓar adelsan.

Αss-a 50 iseggasen seg-imir, nekk id ilulen deg temdint. Zemreγ ad iniγ belli tamdint d annar n unerni n wemdan. Aya, d ayen yella i yall tarwa id yussan seg tmetti taγermant, neγ tineslemt , Ad tisineḍ tiszulin n tsemdanit. D ayen igerzen daγen! Attan...! Udem agi n snat tamiwin, yall tama s wazl-is. Tamdint d sebba n kra n tγawsa, ayen yella d amihaw. Maca tamdint tettawi-d ayen yelhan ma nessen a-n-fareṣ.

Akk timdinin n iεecciwen yellan deg tmura timerkantiyin n turuft umalu, ttakent aṭas anzi deg uzetta nsent γer wamek ttidiren iminigen di tmurt nsen.
Dreγ armi d aseggas wis 12 deg timdint iεecciwen, di Fransa i yellan am akken d taddart Tagulwat di tlemmast n Rom, d taddart Tazayert di Fransa anda i nettmeslay Taεrabt kann, anda i timeγriwa n ddin teddunt am akken di Lzayer, yernu nettwali drus Ifransisen, kra n imsulta id yettasen senγaden tinekkiwin tiγelnawin, yernu yall tufat igerdan rezzun daγen γer uγerbaz. Ihi aselmad, aselmad deg uγerbaz d Afransis daγen, uγur i-nrezzu i wakken ad nawi tamusni ines. Ayen i yellan s wazal is daγen d akken tella temsetla ger twaculin γef sebba n yiwe uferdis yellan s wazal-is ameqran di tmeddurt n iminigen, aya d umyi n tuγalin(yenna-t-id s telmant, daγen), sneγ a-t id iniγ s telmant acku...di tikti inu, umyi agi n tuγalin yejja-yaγ nezmer a-nili di Fransa yernu a nedder akk tigucar deg temdint iεecciwen, maca yiwen wass nezmer ad nini:"yiwen wass, azekka, Morgen, ad uγaleγ γer tmurt-iw. Aya yettak afud i wakken ad anemmager teqreḥ n yinig. Ad smektiγ smektiγ akk imsefransisen belli awal n Nostalgie yusa-d seg tegrigit, awal n algie d teqreḥ am pubalgie, algipan tella dwa i wumi i neqqar algiepane ihi d teqreḥ, nost d inig, d teqreḥ d ucedhi n tuγalin yiwen n wass, γer wexxam, „zu Hause" γer wexxam, aya yejjayi ad iniγ belli yiwen wedlis imucaεen aṭas yettwarun γef tminigt, γef tmara n tminigt d idles n odyssee n Homere, ad iniγ, akk iminigen rran ad zzin yiwen wass γer Itak. Ata wacimi i taluft n iminig d tamedrut, d taluft ackitt d taluft tameγradant s wakka id yewwi a-s nefk leqder. A-wen iniγ, i wakken ad iniγ belli udem s wayes i nettmuqul iminig di turuft agi umalu d udem meḥquren aṭas i-ten ittwalin d imceffer, iminig di skud yettaẓ wukud ttwalint am umakar id yusan ad yaker kra, d yiwen id yusan ad yesgugel tinekki taγelnawt. Tugna n iminig yeččuren d tabγest, i yeǧǧan tamurt-is i wakken ad yesdir tarwa-s, i wakken ad yelmed idelsan nniḍen i wakken ad tgerrez tmeddurt-is rẓan-tt, qecmt-tt tsudas tisertiyin ideg yuγal „am texnact tturaren yis"

Kra n wawalen d unamek nsen s tefransist:
Individu ...amdan
Individualiser... semden
Individualite.... tasemdanit
Mythe...umyi
Vertu... taszult(tiszulin)
Attention...ha!
Amedru, ...fondamental
Univers,.... ameγrad
Universelle .....tameγradant
Grave, dangeureux....amihaw,
sneγd (senγed)...controler , Mačč am Senγed(sneγd-it) broyer.
Solidarite ....tamsetla.
Ps: i yiselmaden n Tmaziγt, txil-wet aẓet-d,fekt-d afus. Ladγa di temsalin n tira. Md:aẓet-d aẓewt-d. effkewt-d, fkewt-d, fket-d, fekt-d....Ma llant tucḍa, sureft, surfet, neγ surft...-iyi

Category:

People & Blogs

Tags:

• Kab

[aqbayli2]

@mastanabal Tanemmirt i kečč a @Masta, ayen id qedceḍ da agerruj. Ayen i cudden γer wayen akka id ttawiγ, ad iniγ kan:"Ssarameγ ad fken afus iselmaden d imusnawen n weḥric agi, acku nekni yerwi-yaγ usxerbubec!!!! Lamer kan yall yiwen ad yeqdec deg weḥric ideg yeẓwer." Nekk am waṭas n Iqbayliyen n Youtube d almad kan i lemdeγ!!!! Tiγri inu mačči kan d awal, nniγ-d daγen:"i wakken ad yili leqdic i watan, yewwi-d a-nili deg yal tama deg yall akud s tagi nneγ"

[mastanabal]

Wayi d cɣel neɣ εeddi ad teqqimeḍ !

Tanemmirt

[aqbayli2]

@sonny391 Tanemmirt a @sonny, innecraḥ wul-iw armi akka i terrriḍ azal i wayen id ttawiγ. Ayen i yellan yuder wazal-is ass-a s twuri d uskasi ad yali wazal-is.

[sonny391]

Tanmirt it suqqilt agi. Tanezla agi, i laq-iyi attwaliɣ meqar sin ivarden i waken a d araɣ s tamawt i w awalen ur sinaɣ-ara. Yelha diɣen imi idariḍ tassuqqilt s tira daw tenezla. F-aken walaɣ, d cɣel ig-wulmen, i t qewmed aqen i laq, i fag t ɛatfeḍ, saramaɣ ken a s-gen can watmaten ek tiyesmatin nney.