Under der linden

Uraufführung

Mitschnitt vom Festkonzert des Vereins Crescendo-Bremen http://crescendo-bremen.de/ am 24.10.2010.

Gertraude Spier, Sopran
Maren Breen, Flöte
der Komponist am Klavier

Vielen Dank auch an Rainer Wittg für das Aufnehmen.


Under der linden
an der heide,
dâ unser zweier bette was,
dâ muget ir vinden
schône beide
gebrochen bluomen unde gras.
Vor dem walde in einem tal,
tandaradei,
schône sanc diu nahtegal.

Ich kam gegangen
zuo der ouwe,
dô was mîn friedel komen ê.
Dâ wart ich enpfangen,
hêre frouwe,
daz ich bin sælic iemer mê.
Kuster mich? Wol tûsentstunt:
tandaradei,
seht, wie rôt mir ist der munt.

Dô hete er gemachet
alsô rîche
von bluomen eine bettestat.
Des wirt noch gelachet
inneclîche,
kumt iemen an daz selbe pfat.
Bî den rôsen er wol mac,
tandaradei,
merken, wâ mirz houbet lac.

Daz er bî mir læge,
wessez iemen
(nû enwelle got!), sô schamt ich mich.
Wes er mit mir pflæge,
niemer niemen
bevinde daz, wan er und ich,
und ein kleinez vogellîn,
tandaradei,
daz mac wol getriuwe sîn.

Category:

Music

Tags:

• uraufführung
• flute
• soprano
• crescendo
• bremen
• mittelhochdeutsch