Mata-e-Jaan - Woh Kehti Suno Jana Mohabbat Moom Ka Ghar Hai - Ghazal

Sign in or sign up now!
Alert icon
Upgrade to the latest Flash Player for improved playback performance. Upgrade now or more info.
9,464
Loading...
Alert icon
Sign in or sign up now!
Alert icon

Uploaded by on Jan 30, 2011

Poet: Unknown
Voice: Fawad Faraz


Woh Kehti Suno Jana Mohabbat Moom Ka Ghar Hai

Woh Kehti Hai Suno Jana Mohabbat Moom Ka Gher Hai
Tapesh Ye Badgumani Ki Kahein Pighla Na Dey Is Ko

Mein Kehta Hoon Key Jis Dil Mein Zara Bhi Badgumani Ho
Wahan Kuch Aur Ho To Ho Mohabbat Ho Nahi Sakti

Woh Kehti Hai Sada Aisey He Kiya Tum Mujh Ko Chaho Gay
Key Mein Is Mein Kamee Bilkul Gawara Ker Nahi Sakti

Mein Kehta Houn Mohabbat Kiya Hai Yeh Tum Ney Sikhaya Hai
Mujhey Tumsey Mohabbat Key Siwa Kuch Bhi Nahi Aata

Woh Kehti Hai Judaai Sey Bohot Derta Hai Mera Dil
Keh Khud Ko Tum Sey Hut Ker Dekhna Mumkin Nahi Hai Ab

Mein Kehta Houn Yehi Khadshay Bohot Mujh Ko Satatey Hain
Magar Such Hai Mohabbat Mein Judayee Saath Chalti Hai

Woh Kehti Hai Batao Kiya Meray Bin Jee Sako Gay Tum
Meri Batain Meri Yadain Meri Ankhain Bhula Do Gay

Mein Kehta Houn Kabhi Is Baat Per Socha Nahi Mein Ney
Ager Ik Pal Ko Bhi Sochoun Tu Sansein Rukney Lagtein Hain

Woh Kehti Hai Tumhein Mujhsey Mohabbat Is Qader Kyun Hai
Key Mein Ik Aam Si Lerki Tumhey Kyun Khaas Lagti Houn

Mein Kehta Houn Kabhi Khud Ko Meri Ankhoun Sey Tum Dekho
Meri Dewangi Kyun Hai Yeh Khud Hi Jan Jao Gi

Woh Kehti Hai Mujhey Waaraf-Tagi Sey Dekhtey Kyun Ho
Key Mein Khud Ko Bohot Hi Qeemti Mehsoos Kerti Houn

Mein Kehta Houn Mata-e-Jaan Bohot Anmool Hoti Hai
Tumhey Jab Dekhta Houn Zindagi Mehsoos Kerta Houn

Woh Kehti Hai Mujhey Alfaaz Key Jugno Nahi Miltey
Tumhey Batla Sakoun Dil Mein Meray Kitni Mohabbat Hai

Mein Kehta Houn Mohabbat To Nigahoun Sey Chalakti Hai
Tumhari Khamoshi Mujhsey Tumhari Baat Kerti Hai

Woh Kehti Hai Batao Na Kisay Khoney Sey Dertey Ho
Bataona Kon Hai Woh Jis Ko Yeh Mosam Bulatey Hain

Mein Kehta Houn Yeh Meri Shairi Hai Aaina Dil Ka
Zara Dekho Batao Kiya Tumhein Is Mein Nazer Aya

Woh Kehti Hai Key Suniye Ji Bohot Batein Banatey Ho
Megar Sach Hai Key Batein Bohot Shaad Rakhtein Hain

Mein Kehta Houn Yeh Sab Batein Fasana Ik Bahana Hai
Key Pal Kuch Zindagani Key Tumharey Saath Kat Jay

Phir Us Key Baad Khamoshi Ka Dilkash Raqs Hota Hai
Nigahein Boltein Hain Aur Lab Khamosh Rehtey Hain

Category:

Entertainment

Tags:

License:

Standard YouTube License

  • likes, 0 dislikes

Link to this comment:

Share to:
see all

All Comments (1)

Sign In or Sign Up now to post a comment!

  • Love it <3

    lubna0110901 22 hours ago

Loading...

Alert icon
0 / 00Unsaved Playlist Return to active list
    1. Your queue is empty. Add videos to your queue using this button:
      or sign in to load a different list.
    Loading...Loading...Saving...
    • Clear all videos from this list
    • Learn more