Ryan Bang out as 'Showtime' judge - ABS-CBN News

Hagulgulan ang mga host ng "Showtime" noong Sabado nang ihayag ang buradong hurado.

Matapos ang 48 linggo, natanggal na ang Koreanong si Ryan Bang kaya naman maging siya ay hindi napigilan ang sarili.

"Kahit Koreano ako, talagang parehas tayo ng puso. Mahal na mahal ko kayo," sabi ni Ryan.

Maging ang self-evicted judge na si Dimples Romana, hiniling na ibigay ang kanyang maiiwang puwesto kay Ryan.

Pero umani ito ng iba't ibang reaksyon sa social networking sites.

Ang iba, itinuring na positibo ang alok ni Dimples habang ang ibang naman ay hindi naging sang-ayon dahil parang binalewala raw ang hiling ng madlang people.

Kanina, nilinaw mismo ng direktor ng "Showtime" na si Bobet Vidanes ang desisyon ng programa.

"Bilang pagkilala sa resulta ng botohan, si Ryan Bang ay mananatiling burado bilang isang hurado," sabi ni Vidanes.

Humingi rin ng paumanhin si Direk Bobet sakaling may nainsulto sa alok ni Dimples pero mananatiling burado na si Ryan.

Ayon naman kay Vice Ganda, mananatiling bukas ang "Showtime" sakaling bumalik si Ryan at magkakaroon ng ibang role sa show.

"Lahat naman ng naging bahagi ng 'Showtime' habambuhay na sila magiging nandiyan. Kunyari may kulang sa host, isa rin naman sa mga nakaraang hurados ang kinukuhang reliever," sabi ni Vice.

Pumalit kina Ryan, Dimples at ibang naburang hurado sina Luis Manzano, Carmen Soo at mga miyembro ng Philippine Volcanoes na si Eric Tai at Chris Everingham. Ginger Conejero, Patrol ng Pilipino

source: http://www.abs-cbnnews.com/video/entertainment/10/10/11/ryan-bang-out-%E2%80%...

Category:

Entertainment

Tags:

• ABS-CBN
• Ryan
• Bang
• Showtime
• Breaking News
• Video
• Analysis
• Features
• out
• as
• 'Showtime'
• judge
• News
• ABS
• CBN
• KAPAMILYA
• KOREAN