Sa pagsapit ng Semana Santa, mag-reretreat ang grupo ng Campus Ministry na pinamumunuan ni Sheila (Rica Peralejo). Aalis sila ng Biyernes Santo patungo sa Retreat House kasama ang ilang kabataang estudyante. Kaya lamang ay maliligaw sila at aabutin ng dilim sa isang liblib na pook. Iisang bahay ang kanilang matutuluyan at atubili naman silang papasukin ng may-ari nitong si Mildred (Lotlot de Leon) na tila takot at may itinatagong misteryo sa kanyang anak na si Biboy (Nash Aguas). Samantala, habang pinagmamasdan ni Sheila ang ilang batang kalaro ni Biboy ay aabutin siya ng kilabot at takot. Sa gitna ng gabi ay tatakas ang mga kabataan upang magkakatuwaan sa may ilog. Duon naman magsisimulang makaramdam ng mga kakaibang bagay ang ilan sa kanila. Pagsapit ng Sabado de Gloria, matutuklusan nila ang bangkay ng ilan sa kanilang kasamahan at mapapagtanto nilang wala silang ibang paraan upang makaalis sa lugar na iyon. Samantala, susundan naman ni Earl ang kasintahang si Sheila upang babalaan nang maunawaan niya na ang paulit-ulit na panaginip nito ay isang pangitain ng kamatayan ng dalaga. Sa gabi ng Sabado de Gloria, tuluyang lalabas ang mga tiyanak at lulusubin ang mga kabataan.
Maganda sana ang pagsisikap ng Regal Films na gumamit ng makabagong paraan ng CGI upang mapaganda at maitapat ang mga pelikulang Pinoy sa mga banyagang gawa. Bagamat kapos at hindi pa pulido ang mga effects ay maaaliw ka na rin dito. Malinis din ang aspetong teknikal ng pelikula Maayos ang mga kuha at suwabe ang pagkadugtong-dugtong ng eksena. Kaya nga lamang ang napakalaking kakulangan ng pelikula ay sa larangan ng mismo kwento at pagkakasalaysay. Hindi buo ang mga katauhan na pinalala ng walang kwentang pagganap ng mga artista. Maraming punto ang walang lohika: saan ang kanilang pinuntahan na aabutin ng mahigit dose oras na byahe para sa isang weekend retreat? Bakit hindi man lamang sila nabagabag kinabukasan na nawala sila at alas tres pa ng hapon sila nagsipagbangunan? Ano ang punto ng eksena kasama si Ana Roces at sanggol na tyanak sa simula? Napakapayak ng paliwanag ng kwento ni Biboy at mga tiyanak. Hindi naging matagumpay ang pagsubok na gawin silang malalaking mga bata. Nawalan tuloy ang apila nito mula orihinal na sanggol na halimaw. Maging ang mga eksenang habulan at katatakutan ay walang dating. Mistulang napakabagal tuloy ng pelikula at nakaiinip panuorin. Sa kabuuan, hindi nito naibigay ang hinihingi sa isang horror movie.
Loading...
3:01
Shake Rattle and Roll 9by regalcinema181,691 views
@twizzlegirl --hehehehehe...
arcyruel2010 1 year ago
hahahahahahaha...the tiyanak at o:16
made me laugh sooo much.....hahahahahahaha
twizzlegirl 2 years ago
Ampepepe galing naman ng tiyanak lumilipad pa..hahahahaha
sushiman28 2 years ago
HOLY ^&*@! tht tyanak scared the #$%^ out of me OMG AHH *spazs*
XgaaragirlX 2 years ago
Where can i watch this??
hanchan27 2 years ago
The original is classic of some sort among Filipino horror films.
CardCrusher29 2 years ago
its awsome
lynmab 3 years ago