Nisar men teri galion k ae watan k jahan - Faiz Ahmed Faiz - Zia Muhi ud Din

nisar main teri galiyon k ae watan, k jahan
chali hai rasm k koi na sar utha k chale
jo koi chahanewala tawaf ko nikle
nazar chura k chale, jism-o-jan bacha k chale

hai ahl-e-dil k liye ab ye nazm-e-bast-o-kushad
k sang-o-khisht muqayyad hain aur sag azad

bahot hain zulm k dast-e-bahana-ju k liye
jo chand ahl-e-junun tere nam leva hain
bane hain ahl-e-hawas muddai bhi, munsif bhi
kise wakil karen, kis se munsifi chahen

magar guzaranewalon k din guzarte hain
tere firaq main yun subh-o-sham karae hain

bujha jo rauzan-e-zindan to dil ye samajha hai
k teri mang sitaron se bhar gai hogi
chamak uthe hain salasil to hamane jana hai
k ab sahar tere rukh par bikhar gai hogi

garaz tasavvur-e-sham-o-sahar main jite hain
giraft-e-saya-e-diwar-o-dar main jite hain

yun hi hamesha ulajhti rahi hai zulm se khalq
na unki rasm nai hai, na apani rit nai
yun hi hamesha khilaye hain hamne ag main phul
na unki har nai hai na apani jit nai

isi sabab se falak ka gila nahin karte
tere firaq main ham dil bura nahin karte

gar aj tujhse juda hain to kal baham honge
ye rat bhar ki judai to koi bat nahin
gar aj auj pe hai tala-e-raqib to kya
ye char din ki khudai to koi bat nahin

jo tujhase ahd-e-wafa ustavar rakhte hain
ilaj-e-gardish-e-lail-o-nihar rakhte hain

Category:

Music

Tags:

• Faiz Ahmed Faiz
• potery
• urdu
• Zia Muhi ud Din

[mobisafdar]

really superb and awesome ........... matchless and zia is just best.

[yadishansar]

@nadeemasma sahi farmaya

[gr8Tanoli]

great personality

[taric4]

thanks for loading this poem...

[willyindia]

wow. fascinating!

[inevitable1234]

HATS OFF TO THIS PERSON ..... HE HAS REALLY PUT THE REALITY INTO WORDS AND WORDS ARE MARVELOUS..... AND I AM PLEASED TO ADMIRE HIM AS MY FAVORITE POET AND ALSO HE BELONGS TO MY CITY SIALKOT.

[jamali363]

Waaaah Thanks for upload

bhujha jo rozn-e-zinda to dil ye samja he

k teri mang sitaron se bhar gai ho ge

[PapGripDezi]

gorgeous