Kneppelfreed as folksfeest

Kneppelfreed is dit jier 60 jier lyn en dêrom wol de organisaasje in feest foar it folk. De Kneppelfreedfiering duorret dit jier sechstich dagen. Der binne tal fan aktiviteiten. Ien dêrfan is dat yn dy sechstich dagen lang alle dagen in doarp sintraal stiet. Dat krijt sechstich flaggen om in Fryske spreuk of wurd op te setten.

Kneppelfreed krige de namme omdat de plysje sechstich jier ferlyn demonstranten foar de Fryske taal yn 'e rjochtbank útinoar reage. Kneppelfreed is yn novimber. It begjint mids septimber nei de betinking fan de Slach by Warns. Yn 'e organisaasje sitte ûnder oare de Ried fan 'e Fryske Beweging, it HCL, Tresoar, de stichting Slach by Warns. Der binne ek eksposysjes en in Fedde Schurerlêzing dy't in jierlikse tradysje wurde moat. Fedde Schurer hie de rjochter der yn 'e krante Friese Koerier op oansprutsen dat er net lije woe dat in fertochte Frysk prate yn de rjochtseal. It motto fan de nije fiering is 'Net kneppelje, mar keppelje'. De organisaasje wol mei de aktiviteiten Kneppelfreed nei de gewoane minsken ta bringe.

Category:

News & Politics

Tags:

• Kneppelfreed
• folksfeest